ალექსანდრე კახელაძე

დაბადების ადგილი: ქ. თბილისი.

მუშაობდა სოფლის სკოლაში მასწავლებლად, შემდეგ დააარსა საკრედიტო და სასოფლო-სამეურნეო ამხანაგობები და მერძევეთა ამხანაგობა "ლილო" სოფელ ლილოში. სასოფლო-სამეურნეო საზოგადოების დახმარებით გაიგზავნა პეტერბურგის სასოფლო-სამეურნეო კურსებზე, რომლის დასრულების შემდეგაც ამიერკავკასიის კოოპერატორთა კავშირში (შემდეგ გადაკეთდა ცეკავშირად) მიწვეულ იქნა კოოპერაციის ინსრუქტორად. 1911-1918 წლებში სასოფლო-სამეურნეო ჟურნალ "მოსავალში" წერდა კოოპერაციის საორგანიზაციო და პრაქტიკულ საკითხებზე, 1918 წლიდან კი კოოპერაციულ ჟურნალებში "კავშირი", "საქართველოს კოოპერაციასა" და "ჩვენ კოოპერაციაში" აქვეყნებდა წერილებს. კოოპერატორი.

წყარო: ქართველ მოღვაწეთა ლექსიკონი, 1801-1952: ტ. II ე-ლ / იოსებ იმედაშვილი.-თბ.,2021.-გვ.601

• მოკლე სახელმძღვანელო მომხმარებელ კოოპერატივის ანგარიშთა წარმოებისა : მოწონებულია ინსტრუქტორთა კოლეგიის მიერ (ავტორი). - ტფილისი, ამიერკავ. კოოპ. კავშირის გამოცემა N 10, (ვ. რუხაძის სტ.), 1918. - 129გვ.
• როგორ უნდა დაარსდეს და სწარმოებდეს წვრილი კრედიტის დაწესებულება (ავტორი). - ტფილისი, ქართველთა სასოფლო-სამეურნეო საზოგადოების გამოცემა, (ქართველ ამხ. სტ.), 1905. - 32გვ.