ნიცა აბაშიძე

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტი. იყო ავჭალის საექიმო უბნის გამგე, ხოლო 1941 წლიდან თბილისის დიაგნოსტიკური ლაბორატორიის ხელმძღვანელი. რვა წლის შემდეგ იგი აკადემიკოს ნიკოლოზ ყიფშიძის სახელობის ცენტრალური რესპუბლიკური კლინიკური საავადმყოფოს კლინიკურ-დიაგნოსტიკური ლაბორატორიის გამგედ გადაიყვანეს, სადაც სიცოცხლის ბოლომდე მუშაობდა. 1969 წლიდან იყო საქართველოს ჯანმრთელობის დაცვის სამინისტროს მთავარი ლაბორანტი და ექიმ-ლაბორანტთა სამეცნიერო საზოგადოების გამგეობის თავმჯდომარის მოადგილე. მისი ინიციატივით მთელ საქართველოში გაიხსნა  ცენტრალური კლინიკური ლაბორატორიები.  ნიცა აბაშიძე ასწავლიდა სამედიცინო ტექნიკუმში, ექიმთა დახელოვნების ინსტიტუტში. მან უდიდესი როლი შეასრულა ქართული ლაბორატორიული მედიცინის განვითარებაში. 

წყარო: ჟურნალი "ავერსი": aversi.ge