ბორის გუგეშაშვილი

დაბადების ადგილი: ქ. ბაქო.

დაამთავრა საქართველოს პოლიტექნიკური (მაშინ - რკინიგზის) ინსტიტუტი.

1966 წლიდან დაბრუნდა საქართველოში საცხოვრებლად. წერდა ლექსებს, მოთხრობებს, პიესებს, სიმღერებს. 60-70-იან წლებში მისი რამდენიმე ლექსი გამოქვეყნდა ქართულ პერიოდიკაში, მაგრამ საბჭოთა ცენზურასთან შეურიგებლობის გამო თანდათან შეწყვიტა გამომცემლობებთან თანამშრომლობა და სცენიდან საჯარო კითხვის ფორმატი არჩია. თუმცა მის საჯარო გამოსვლებსაც ხშირად სდევდა ხმაური და ოფიციალური წრეების უკმაყოფილება, რასაც, ძირითადად, მისი სატირულ-იუმორისტული ლექსები და იგავები იწვევდა; არის რამდენიმე მუსიკალური ფესტივალის ლაურეატი, ავტორი-შემსრულებელი სიმღერებისა "ყირამალა დუქანა", "ქვაგახეთქილა", "ოცი შვილი", "მე სიდედრის ჭირუკა" და სხვა, რომლებსაც ახლა სხვადასხვა მუსიკალური ჯგუფები ასრულებენ; ლექსების კრებული "შვიდი უღელი გავცვითე" გამოიცა მისი გარდაცვალების შემდეგ; გამოსაცემად მზადდება მისი რომანი.

წყარო: ქართველი პოეტები : ენციკლოპედია / შეადგინა ალექსანდრე ელერდაშვილმა.- თბ.,2021.- გვ.100

• შვიდი უღელი გავცვითე : ლექსები (ავტორი). - თბილისი, კალმოსანი, 2009. - 140გვ.. - ISBN: 9789941945335