სალომე ნამიჭეიშვილი

დაბადების ადგილი: ქ. ქუთაისი.

დაამთავრა თბილისის სახელმწიფო უნივერსიტეტის დასავლეთევროპული ფაკულტეტი; 2001-2003წწ. სწავლობდა ნიუ-იორკში, კოლუმბიის უნივერსიტეტში, სადაც სოციალური მუშაობის მაგისტრის ხარისხი მიიღო; 2016 წელს მოიპოვა დოქტორის ხარისხი.

სხვადასხვა დროს მუშაობდა ბავშვთა დაცვის, ოჯახში ძალადობის, უსახლკარობის, სისხლის სამართლის მართლმსაჯულების თემებზე. 2011-2013წწ. იყო სოციალურ მუშაკთა ასოციციის თავმჯდომარე; 2012 წელს გახდა აშშ-ის სახელმწიფო მდივნის "საერთაშორისო მამაც ქალთა" ჯილდოს ქართველი ნომინანტი; 2005 წლიდან ეწევა აკადემიურ მუშობას - თბილისის სახელმწიფო უნივერსიტეტის ასისტენტ-პროფესორი, ილიას სახელმწიფო უნივერსიტეტის მიწვეული ლექტორი. ასწავლის სოციალურ მუშაობას საერთაშორისო პროგრამების ფარგლებში სხვადასხვა ქვეყნის უნივერსიტეტების მიწვევით.

წყარო: თავისუფლების დღიურები, 2017, მე-12 წიგნი: რადიო "თავისუფლების" პროექტი/პროექტის ავტორი დავით კაკაბაძე.-თბ., 2018. -გვ.5

• სოციალურ მუშაკთა ასოციაცია, თანადამფუძნებელი
• სოციალურ მუშაკთა საერთაშორისო ფედერაცია, ევროპის რეგიონის ვიცე-პრეზიდენტი (2014-)

• არასრულწლოვანთა დაწესებულების მონიტორინგის სახელმძღვანელო ინსტრუმენტი (თანაავტორი). - თბილისი, 2015. - 128გვ.
• სოციალური მუშაობის მეთოდები დაუცველ ჯგუფებთან : პრაქტ. სახელმძღვ. (თანაავტორი). - თბილისი, 2011. - 213გვ. . - ISBN: 9789941040085
• უსახლკარობა, სოციალური საცხოვრისი და სოციალური მუშაობა : სახელმძღვ. სოციალ. მუშაობის სამაგისტრო პროგრამის სტუდენტებისათვის (ავტორი). - თბილისი, UNDP, 2004. - 58გვ.. - ISBN: 9789941065088