შაქრო ჩიკვაიძე

დაბადების ადგილი: სოფელი ვაიო, ქედის რაიონი.

დაამთავრა ბათუმის შოთა რუსთაველის სახელობის სახელმწიფო პედაგოგიური ინსტიტუტის ისტორია-ფილოლოგიის ფაკულტეტი 1974 წელს.

1974-1977 წწ. მუშაობდა წონიარისის საშუალო სკოლაში ქართული ენისა და ლიტერატურისა და ისტორიის მასწავლებლად; 1978-1980 წწ. იყო ქედის რაიონის გაზეთ "კოლმეურნეს" კორესპონდენტი; 1980-1982 წწ. ხელვაჩაურის რაიონული გაზეთის - "ოქტომბრის გზით" კორესპონდენტი; 1982-1983 წწ. გამომცემლობა "საბჭოთა აჭარის" საწარმოო განყოფილების გამგე; 1983-1990 წწ. გაზეთ "საბჭოთა აჭარის" კორესპონდენტი და საკუთარი კორესპონდენტი; 1989-1991 წწ. ბათუმის საქალაქო კომიტეტის ინსტრუქტორი; 1992-1993წწ. ხელვაჩაურისა და ქედის რაიონული გაზეთების კორესპონდენტი; 1994-2004 წწ. გაზეთების: "სოფლის ცხოვრება",  "სახალხო განათლება" კორესპონდენტი; პარალელურად იყო აჭარის მინისტრთა საბჭოს საინფორმაციო განყოფილების გამგე და პრესმდივანი; 2006 წელს იმუშავა საჯარო ბიბლიოთეკის დირექტორის მოადგილედ; 2001 წლიდან გაზეთების "ქედის" და "მაცნეს" რედაქტორია. ავტორია რომანისა "მემკვიდრე" (ორ ტომად, 2003); იბეჭდება ჟურნალ "ჭოროხში" და რესპუბლიკის სხვა ჟურნალ - გაზეთებში.

წყარო: საინფორმაციო ცნობარი აჭარაში მოღვაწე მწერალთა შესახებ / შემდგენელი ცისანა ანთაძე.-ბათუმი, 2019.-გვ.90

• საქართველოს მწერალთა კავშირი, წევრი (2018-)
• საქართველოს ჟურნალისტთა კავშირი, წევრი (1978-)

• 1996 - საქართველოს სახელმწიფო პრემია
  სათავგადასავლო-მემუარული წიგნისათვის - ''ჩვენი ოდისეა''

• მემკვიდრე : რომანი (ავტორი) // წ. 2. - ბათუმი, აჭარა, 2002. - 256გვ.. - ISBN: 9992885572
• მემკვიდრე : რომანი (ავტორი). - ბათუმი, აჭარა, 2000. - 264გვ.. - ISBN: 9992844183