კონსტანტინე დობროვოლსკი

დაბადების ადგილი: სოფელი პოკროვსკოვი.

დაამთავრა თბილისის სახელმწიფო უნივერსიტეტის პოლიტექნიკური ფაკულტეტი ინჟინერ-მშენებლის კლასიფიკაციით 1925 წელს. 

1925-1930წწ. მუშაობდა თბილისის სახელმწიფო უნივერსიტეტში კათედრაზე, სადაც მიანიჭეს პროფესორის სამეცნიერო წოდება; 1930 წელს იყო ამიერკავკასიის საინჟინრო-მელიორაციული ინსტიტუტის გრუნტებისა და ფუძე-საძირკვლების კათედრის გამგე და ამიერკავკასიის ნაგებობათა ინსტიტუტის გრუნტებისა და ფუძე-საძირკვლების ლაბორატორიის ხელმძღვანელი; 1927-1938წწ. კითხულობდა ლექციებს ამიერკავკასიის უმაღლეს სასწავლებლებში გრუნტების მექანიკის დარგში. განსაკუთრებული ღვაწლი მიუძღვის ჰიდროენერგეტიკული ნაგებობების გრუნტებისა და ფუძე-საძირკვლების გმოკვლევაში. შეისწავლა ხრამჰეს 1-ის, სოხუმჰესის, ფარავანჰესის, რიწეულჰესის, რიონჰესის, აჭარისწყალჰესის, ძორაჰესის, კანაკერჰესის გრუნტების ფიზიკურ-მექანიკური თვისებები. გამოაქვეყნა მეთოდური მითითებები, ნარკვევები, სტატიები, ნორმატიული დოკუმენტები, სამეცნიერო-ტექნიკური ანგარიშები. მოამზადა მეცნიერ-მუშაკების მთელი პლეადა. პროფესორი (1930).

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი,. 2016.- გვ. 109