გიორგი რამიშვილი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის მექანიკა-მათემატიკის ფაკულტეტი სპეციალობით – ასტრონომია 1988 წელს; საქართველოს მეცნიერებათა აკადემიის აბასთუმნის ასტროფიზიკური ობსერვატორიის ასპირანტურა - 1992 წელს.

სხვადასხვა დროს თანამშრომლობდა შემდეგ უნივერსიტეტებთან და სამეცნიერო ინსტიტუტებთან: მალაგის უნივერსიტეტი (ესპანეთი, 1998-2001), მოსკოვის დედამიწის ფიზიკის ინსტიტუტი (რუსეთი, 1998-2001), შემახის ასტროფიზიკური ობსერვატორია (აზერბაიჯანი, 2001-2009), ბაქოს სახელმწიფო უნივერსიტეტი (აზერბაიჯანი, 2001-2009), ლუვენის კათოლიკური უნივერსიტეტი (ბელგია, 2010-2015), გრაცის კოსმოსური კვლევის ინსტიტუტი (ავსტრია, 2010-2015). სამეცნიერო-კვლევითი ინტერესების სფეროები: ასტრონომია; მზის ფიზიკა; კავშირი ასტრონომიულ მოვლენებსა და მიწისძვრებს შორის; კავშირი ასტრონომიულ და ისტორიულ მოვლენებს შორის; კავშირი ასტრონომიულ მოვლენებსა და ზოგიერთი დაავადების გამწვავებას შორის. არის ათობით სამეცნიერო პუბლიკაციისა და რამდენიმე სალექციო კურსის ავტორი, ასევე - თანაავტორი მონოგრაფიისა "მიწისძვრის წინამორბედები და მაინიციირებელი ფაქტორები". 2014 წლიდან - უმაღლესი განათლების  ავტორიზაციისა და აკრედიტაციის ექსპერტი. ილიას სახელმწიფო უნივერსიტეტის ასოცირებული პროფესორი ასტრონომიის მიმართულებით.

დისერტაციის თემა - "შესაძლო კავშირები ასტრონომიულ მოვლენებსა და მიწისძვრებს შორის", დაიცვა 2005 წელს.

წყარო: თავისუფლების დღიურები, 2017, მე-12 წიგნი: რადიო თავისუფლების პროექტი / პროექტის ავტორი დავით კაკაბაძე .-თბ., 2018. -გვ.78; ილიას სახელმწიფო უნივერსიტეტი: faculty.iliauni.edu.ge

• მიწისძვრის წინამორბედები და მაინიცირებელი ფაქტორები : მონოგრაფია (თანაავტორი). - თბილისი, უნივერსალი, 2014. - 147გვ.. - ISBN: 9789941222856