შოთა ცეცხლაძე

დაბადების ადგილი: სოფელი დარჩიძეები, შუახევის რაიონი.

1965 წელს დაამთავრა ბათუმის შოთა რუსთაველის სახელობის სახელმწიფო პედაგოგიური ინსტიტუტი ქართული ენის,  ლიტერატურისა და ისტორიის სპეციალობით 1965 წელს; ბაქოს პარტიული სკოლის ჟურნალისტიკის ფაკულტეტი 1972 წელს.

წლების განმავლობაში მუშაობდა: 1958-1966წწ. შუახევის რაიონის სოფელ დარჩიძეების რვაწლიანი სკოლის დაწყებითი კლასებისა და ისტორიის, ქართული ენისა და ლიტერატურის მასწავლებლად; 1966-1969წწ. საქართველოს ალკკ შუახევის რაიონული კომიტეტის საორგანიზაციო განყოფილების გამგედ და მეორე მდივნად; 1969-1970წწ. შუახევის რაიონული რადიოგადაცემების კორესპონდენტ - ორგანიზატორად და გაზეთ "დროშის" სოფლის მეურნეობის განყოფილების გამგედ; 1971-1981წწ. საქართველოს კპ შუახევის რაიკომის საორგანიზაციო განყოფილების გამგედ; 1981-1998წწ. სოფლის მეურნეობის მუშაკთა პროფკავშირების შუახევის რაიონული კომიტეტის  თავმჯდომარედ; 1999-2006წწ. აჭარის ავტონომიური რესპუბლიკის ცენტრალური სახელმწიფო არქივის დაგეგმარებისა და საორგანიზაციო - მეთოდური მუშაობის განყოფილების გამგედ; ავტორია წიგნებისა: "შუბანი და შუბანელები" (მონოგრაფია, 2007), "აჭარის ავტონომიური რესპუბლიკის ქალაქების, ქუჩების ძველი და ახალი სახელწოდებები" (ქართულ, რუსულ და ინგლისურ ენებზე, 2008), "უკდავი გმირობის თანაზიარი" - ტექსტილის გმირის, შოთა ფუტკარაძის ცხოვრების ისტორია (2008), "ხალხური თვითმოქმედების მოამაგენი" (2011), "რას მოგვითხრობენ საარქივო ჩანაწერები" (1921-1937 წლების რეპრესიების შესახებ, 2011), "რა ტკბილად ჟღერს ჩემი ჩანგი" (ბინალი ფუტკარაძის შესახებ, 2012), "აჭარის ავტონომიური რესპუბლიკის ნომენკლატურულ პირთა შესახებ" (2013), "ბედისწერა" (რომანი, 2014), "ძმა ძმისთვისაო" (წერა - კითხვის გამავრცელებელი საზოგადოების საქმიანობა აჭარაში, 2015), "შუბანი და შუბანელები" (ახალი, შევსებული გამოცემა, 2019). შოთა ცეცხლაძე მარეთის ხეობის საპატიო მოქალაქეა.

წყარო: საინფორმაციო ცნობარი აჭარაში მოღვაწე მწერალთა შესახებ / შემდგენელი ცისანა ანთაძე.-ბათუმი, 2019.-გვ.96

• საქართველოს მწერალთა კავშირი, წევრი (2018-)

• მედალი "შრომითი მამაცობისთვის" (2 მედალი)

• წერა, ძმაკაცები და მეგობრები (ავტორი). - ბათუმი, მცირე მექარმე "მაია ჯაველიძე", 2021. - 189გვ.. - ISBN: 9789941839498
• აჭარული ლექსიკა : შუახევის მუნიციპალიტეტის მაგალითები (ავტორი). - ბათუმი, მცირე მეწარმე ''მაია ჯაველიძე'', 2021. - 126გვ.. - ISBN: 9789941834783
• აჭარის ღირსეული შვილები (ავტორი). - თბილისი, საარი, 2021. - 304გვ.. - ISBN: 9789941493096