პეტრე ნანიტაშვილი

დაბადების ადგილი: ხარაგაულის რაიონი.

დაამთავრა ქ. თბილისის სტალინის სახელობის უმაღლეს პარტიულ სკოლა 1937 წელს.

1937 ნწელს მუშაობა დაიწყო რაიონული გაზეთის - "ლენინის დროშის" რედაქციის პასუხისმგებელ ინსტრუქტორად. ამავე დროს მუშაობდა სოფელ საღანძილის არასრული საშუალო სკოლის ისტორიის მასწავლებლად; 1938 წელს გადადის მარელისის ფაბრიკაში ინდუსტრიული მუშფაკის სასწავლო ნაწილის გამგედ, სადაც ირჩევენ ფაბრიკის კომკავშირის კომიტეტის მდივნად; 1939 წლიდან საქართველოს კომპარტიის ორჯონიკიძის რაიკომის საორგანიზაციო განყოფილების გამგეა; 1941 წელს დაამტკიცეს წულუკიძის რაიონის მტს-ის პოლიტგანყოფილების უფროსად, ხოლო 1942 წელს დაინიშნა საქართველოს კომპარტიის  ცენტრალური კომიტეტის კადრების განყოფილების გამგედ; 1943 წელს არჩეულ იქნა საქართველოს კომპარტიის მაიაკოვსკის რაიკომის პირველ მდივნად; 1949-1954 წლებში მუშაობდა მშრომელთა დეპუტატების ზესტაფონის საქალაქო საბჭოს აღმასკომის თავმჯდომარედ; შემდეგ მუშაობას აგრძელებს ზესტაფონი- ჭიათურის ფართო ლიანდაგიანი რკინიგზის მშენებლობაზე პარტბიუროს განთავისუფლებულ მდივნად; 1955-1956 წლებში იყო "ზესტაფონმშენის" მომარაგების განყოფილების უფროსი, 1959 წელს აირჩიეს ფეროშენადნობთა ქარხნის პარტიული კომიტეტის მდივნად; 1963-1966 წლებში იყო ქარხნის მთავარი დისპეჩერი, ხოლო 1966 წლიდან პენსიაზე გასვლამდე მუშაობდა ამავე ქარხნის სილიკო-მანგანუმის საამქროს უფროსის თანაშემწედ საერთო საკითხებში; არჩეული იყო საქართველოს კომპარტიის ორჯონიკიძის, წულუკიძის, მაიაკოვსკისა და ზესტაფონის რაიკომების ბიუროს წევრად. მიღებული აქვს სახელმწიფო და საუწყებო ჯილდოები, მათ შორის 5 მედალი.

• წითელი ვარსკვლავის ორდენი