იოსებ ნანობაშვილი

დაბადების ადგილი: სოფელი ვაქირი, სიღნაღის რაიონი.

დაამთავრა სიღნაღის პედაგოგიური ტექნიკუმი 1926 წელს; თბილისის სახელმწიფო უნივერსიტეტის ისტორიის ფაკულტეტი 1938 წელს; ამავე წელს ჩაირიცხა ასპირანტურაში ეთნოგრაფიის სპეციალობაზე.

ტექნიკუმის დამთავრების შემდგომ მუშაობდა სოფელ ტიბაანის სკოლის მასწავლებლად; 1941 წლიდან მუშაობას იწყებს საქართველოს სახელმწიფო მუზეუმის ეთნოგრაფიის განყოფილებაში მეცნიერ თანამშრომლად; 1950 წელს მიენიჭა ისტორიის მეცნიერებათა კანდიდატის სამეცნიერო ხარისხი; 1950-1955წწ. იყო თელავის ი. გოგებაშვილის სახელობის პედაგოგიური ინსტიტუტის რექტორი; ამავე ინსტიტუტში კითხულობდა ლექციების კურსს ზოგად ეთნოგრაფიაში; 1955 წლიდან ი. ნანობაშვილი კვლავ საქართველოს სახელმწიფო მუზეუმში მუშაობს და ხელმძღვანელობს ეთნოგრაფიის განყოფილებას. გამოქვეყნებული აქვს ორმოცამდე სამეცნიერო გამოკვლევა და ორი მონოგრაფია.

• ტყავის დამუშავების ხალხური წესები საქართველოში (ავტორი). - თბილისი, მეცნიერება, 1973. - 198გვ.
• ვაზის ძველი კულტურა ქიზიყში : ეთნოგრ. მონაცემების მიხედვით (ავტორი). - თბილისი, საქ. სსრ მეცნ. აკად. გამ-ბა და სტ., 1960. - 178გვ.