ნელი ვერულავა

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის მექანიკა-მანქანათმშენებლობის ფაკულტეტი 1966 წელს.

1966 წელს მუშაობა დაიწყო საქშახპროექტში თბოენერგეტიკულ განყოფილებაში მთავარი სპეციალისტის თანამდებობაზე. ახორციელებდა საავტორო ზედამხედველობას ტყიბულის, ტყვარჩელის, ჭიათურისა და მადლეულის მოსახლეობის თბომომარაგების პროექტების შესრულებაზე. იმავე პერიოდში მუშაობს საქართველოს ტექნიკური უნივერსიტეტის თბომომარაგების კათედრაზე; 1996-2005წწ. მუშაობდა საქართელოს ენერგეტიკის სამინისტროს ენერგოეფექტურობისა და გარემოს დაცვის განყოფილების უფროსად; 2003-2004წწ. ენერგეტიკის მინისტრის მრჩეველი; 2004-2006წწ. ქართულ-ნორვეგიული ერთობლივი ცენტრის "ენერგოეფექტურობა და სუფთა წარმოება", დირექტორი; 2007-2009წწ. საქართელოს ენერგეტიკისა და ენერგეტიკულ ნაგებობათა ნაგებობათა სამეცნიერო-კვლევითი ინსტიტუტის ენერგოეფექტურობის განყოფილების გამგე და არასამთავრობო ორგანიზაცია-ცენტრის  "ენერგოეფექტურობა და გარემოს დაცვა", დირექტორი. საერთაშორისო კონფერენციებისა და სიმპოზიუმებიის მონაწილე. კლიმატის ცვლილებების და გლობალური დათბობის წინააღმდეგ საქართველო-იაპოიის ერთობლივი პროექტის "სათბურის გაზების დრენირება" კოორდინატორი. მუშაობდა პროექტებზე, რომელიც ხორციელდება USAID-სა და სხვა საერთაშორისო ორგანიზაციების ხელშეწყობით.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი,. 2016.- გვ. 130