სერგო კვაჭანტირაძე

დაბადების ადგილი: ქ. ბათუმი.

დაამთავრა ბათუმის საზღვაოსნო სასწავლებელის ტექნიკოს-გემთწამყვანის სპეციალობით 1961 წელს;

სასწავლებლის დამთავრების შემდგომ განაწილებით ზღვაში შრომითი საქმიანობა სსრკ მურმანსკის «ტრალფლოტ»-ის თევზსაჭერი გემების რიგით მატროსად დაიწყო; 1962 წელს იგი სამშობლოში  დაბრუნდა და  ბათუმის საზღვაო-სავაჭრო ნავსადგურის პორტფლოტის ბუქსირებზე - «ФРЕЗЕРОВЩИК»-სა და «ХРАБРЫЙ»-ზე გააგრძელა მატროსად საქმიანობა; 1963-1967 წლებში იყო სამაშველო ბოტის შკიპერის თანაშემწე, შკიპერი, კაპიტნის თანაშემწე, კაპიტნის უფროსი თანაშემწე; 1968 წელს ჯერ ბათუმის ნავსადგურის მცირე ფლოტილიის გემების კაპიტანი, 1969 წელს კი პორტის ზედამხედველობის სამსახურის მორიგე ლოცმანი გახდა; 1970 წლიდან ნავსადგურის უფროსი ლოცმანის საპასუხისმგებლო მოვალეობა დაეკისრა, რომელსაც იგი 1982 წლამდე ასრულებდა; 1982-1983 წლებში იყო ბათუმის ნავსადგურის კაპიტნის მოადგილე; 1983 -1986 წლებში სსრკ საზღვაო ფლოტის სამინისტროს მიერ მივლინებული იქნა მოზამბიკის სახალხო რესპუბლიკაში, პორტ მაპუტუში ლოცმან-კონსულტანტის თანამდებობაზე; სამშობლოში დაბრუნების შემდეგ 1986-2018 წლებში სხვადასხვა პოზიციებზე საქმიანობდა მშობლიური ქალაქის ნავსადგურში: იყო პორტის კაპიტნის მოვალეობის შემსრულებელი (1986), ნავსადგურის უფროსი ლოცმანი, პორტის კაპიტნის მოადგილე (1987-1990), ნავსადგურის უფროსის მოადგილე, პორტის კაპიტანი (1990-1997), საქართველოს საზღვაო ადმინისტრაციის  ბათუმის პორტის კაპიტნის სამსახურის ლოცმანი (1998-2008), ნავსადგურის უფროსი ლოცმანი (2008-2010); 2008 წელს პარტნიორებთან ერთად მან  სალოცმანო საქმიანობის (სერვისების) მიმწოდებელი კომპანია «BLACK SEA PILOT»-ი დააფუძნა, სადაც გარდაცვალებამდე იკავებდა უფროსი ლოცმანისა და უსაფრთხოების მრჩეველის პოზიციებს. შორეული ნაოსნობის კაპიტანი, საზღვაო ლოცმანი.

წყარო: პაატა ტაბაღუას საავტორო გვერდი: "საქართველო საზღვაო ქვეყანაა": facebook.com