ბესარიონ ვიბლიანი

დაბადების ადგილი: სოფელი ფარი, მესტიის რაიონი.

დაამთავრა მესტიის პედაგოგიური სასწავლებელი. 

მუშაობდა სოფელ ფარის 8 წლიან სკოლაში ჯერ მასწავლებლად, ხოლო შემდეგ დირექტორად. 1944 წელს ვიბლიანების ოჯახი ჩასახლდა სტავროპოლის მხარის ქლუხორის რაიონში, სადაც განაგრძო აქტიური საქმიანობა. სხვადასხვა დროს იყო სკოლის დირექტორი და კოლმეურნეობის თავმჯდომარე. დაჯილდოებული იყო მედიატორული ნიჭით, რაც მამისგან მოსდევდა და შედეგად მან შეარიგა ძნელად შესარიგებელი ოჯახები და გვარები. განსაკუთრებულია მისი დამსახურება ქართული ფოლკლორის, კერძოდ სვანური სიმღერების პროპაგანდის საქმეში. ჩამოაყალიბა ანსამბლი, რომელშიც თვითონ იყო უბადლო შემსრულებელი, არა ერთჯერ მიიღო მონაწილეობა რესპუბლიკურ ოლიმპიადებში. ამ ანსამბლის მიერ შესრულებული სიმღერები შესულია ქართული სიმღერების ოქროს ფონდში. 1957 წელს იგი დაბრუნდა მშობლიურ მესტიის რაიონში და გააგრძელა სახელმწიფო და საზოგადოებრივი საქმიანობა. სვანური სიმღერების უბადლო შემსრულებელი და პროპაგანდისტი.

წყარო: სვანეთი და სვანები / ირაკლი დვალი, გივი ქურდიანი.-თბ., 2014.-გვ.178