ჯემალ ინჯია

დაბადების ადგილი: ქ. გორი.

დაამთავრა გორის ნიკოლოზ ბარათაშვილის სახელობის პედაგოგიური ინსტიტუტი, ფილოლოგიის ფაკულტეტი.

სხვადასხვა დროს მუშაობდა გორის კულტურის საქალაქო განყოფილების გამგედ, გაზეთ "გამარჯვების" განყოფილების გამგედ, შიდა ქართლში საქინფორმის საკუთარ კორესპონდენტად, გორის განათლების მუზეუმის დირექტორად, გაზეთების "ქართლისა" და "ლიტერატურული გორის", ჟურნალ "ქართლის" მთავარ რედაქტორად. 1981 წლიდან ხელმძღვანელობს მწერალთა კავშირის გორის ორგანიზაციას. პირველი ლექსი გამოაქვეყნა 1955 წელს ალმანახ "ლიახვში". გამოცემული აქვს კრებულები: "ლიახვმა თქვა", "კალენდარი", "ლირიკული დღიური", "სილუეტი", "ლირიკა", "თავთავები", "ნამუსის ქუდი", "ასი ლექსი სიყვარულზე", "დავიწყებული ვალსები", "სონეტების გვირგვინი", "ასი ლექსი", "რჩეული". ეწევა აქტიურ მთარგმნელობით საქმიანობასაც, თარგმნილი აქვს ლუის დე კამოენსის, ბლოკის, მაიაკოვსკის, ესენინის, ლუკონინის, ტიხონოვის, მარშაკის, ასაევის პოეზიის ცალკეული ნიმუშები.

წყარო: ქართველი პოეტები : ენციკლოპედია / შეადგინა ალექსანდრე ელერდაშვილმა.- თბ.,2021.- გვ. 167-168

• სამასი უღალატო : რჩეული ლექსები (ავტორი). - გორი, გორის უნივერსიტეტის გამომცემლობა, 2021. - 268გვ.. - ISBN: 9789941832505
• ირმის ნახტომი : სონეტთა გვირგვინები (ავტორი). - თბილისი, ჩვენი მწერლობა, 2021. - 172გვ.. - ISBN: 9789941838958
• ანფასები და პროფილები : ლექსები (ავტორი). - გორი, ფარნავაზი, 2020. - 208გვ.. - ISBN: 9789941967313
• მხოლოდ შენ ერთს : ლექსები (ავტორი). - გორი, ფარნავაზი, 2020. - 108გვ.. - ISBN: 9789941967320