იმირ მამედლი

დაბადების ადგილი: სოფელი ფაშიანში, კასპის რაიონი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტი 1980 წელს.

1980 წლიდან მუშაობა დაიწყო საქართველოს სახელმწიფო ტელე-რადიო კომიტეტში, ასევე – გაზ. "სოვეტ გურჯისტანის" რედაქციაში. 1992–1996წწ. იყო საქართველოს პრეზიდენტის კონსულტანტი და მრჩეველი; 1996–2000წწ. საქართველოს პარლამენტის ეროვნული ბანკის, შემდეგ კი – რეგიონული პოლიტიკისა და ადმინისტრაციული სამსახურის უფროსის მოადგილე. წერს, როგორც აზერბაიჯანულ, ისე ქართულ ენაზე. მისი სამეცნიერო-პუბლიცისტური და მთარგმნელობითი მოღვაწეობა ასახულია ოცზე მეტ წიგნსა და პუბლიცისტურ სტატიაში. მან აზერბაიჯანულ ენაზე თარგმნა "ვეფხისტყაოსანი", ვაჟა-ფშაველას "ალუდა ქეთელაური" და "სტუმარ-მასპინძელი", გ. ფანჯიკიძის "თვალი პატიოსანი", ჯ. ჩარკვიანის, მ. ფოცხიშვილის ლექსები და სხვ. წერს ნაწარმოებებს ორ ენაზე, აზერბაიჯანულად და ქართულად. გამოცემული აქვს ლექსების კრებული "ფიქრთაღრიცხვა" (2003). 2004 წლიდან ცხოვრობს და მოღვაწეობს ბაქოში. პროზაიკოსი.

წყარო: ქართველი პოეტები : ენციკლოპედია / შეადგინა ალექსანდრე ელერდაშვილმა.- თბ.,2021.- გვ.208; პირველი არხი: 1tv.ge; საქართველოს მეცნიერებათა ეროვნული აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ.491-492

• აზერბაიჯანის მწერალთა კავშირის საქართველოს განყოფილება, თავმჯდომარე

• 1998 - საქართველოს სახელმწიფო პრემია
• 1998 - ღირსების ორდენი
• 1997 - ივანე მაჩაბლის სახელობის პრემია
  ნაყოფიერი მთარგმნელობითი მოღვაწეობისთვის

• თავისუფლება : მოთხრობები, რომანი / აფაგ მასუდი (მთარგმნელი). - თბილისი, მერანი, 2019. - 480გვ.. - ISBN: 9789941805868
• 100 ლექსი (ავტორი). - თბილისი, ინტელექტი, 2013. - 120გვ.. - ISBN: 9789941446283
• Pelengderili cengaver = ვეფხისტყაოსანი : პოემა] / შოთა რუსთაველი (მთარგმნელი). - ბაქო, Nagil Evi, 2003. - 411გვ.. - ISBN: 9952210132
• ჩვენი ესპერანტო : აზერბაიჯ.-ქართ. საზიარო სიტყვები (ავტორი). - თბილისი, ინტელექტი, 2002. - 88გვ.. - ISBN: 9992886765
• ნოველები (ავტორი). - თბილისი, ინტელექტი, 2002. - 180გვ.. - ISBN: 9992887001