
	English Georgian

The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it.

The dictionary is supported by the National Library of Georgia.

The project aims at publishing the biographies of outstanding Georgians. We hope that whole Georgia will be involved in filling this unique dictionary.

Follow on Facebook

Suggest a Biography

Correction

აკაკი კვიტაიშვილი

Date of birth:	1893
Date of death:	1967 (at 74 years)
Burial location:	ლევილის ქართველთა სასაფლაო, პარიზი
Category:	Military Person

Biography

დაბადების ადგილი: ქ. ლანჩხუთი.

დაამთავრა კლასიკური გიმნაზია და სამხედრო სასწავლებელი.

I მსოფლიო ომის დაწყებისთანავე იგი, როგორც დივიზიის ოფიცერი, კავკასიის ფრონტზე გაგზავნეს, მონაწილეობა მიიღო მრავალ ბრძოლაში. 1917 წელს, რევოლუციის შემდეგ კაპიტნის ჩინით ქართული ჯარის მეოთხე ათასეულში დაინიშნა. მონაწილეობდა თურქეთის წინააღმდეგ წარმოებულ ყველა ბრძოლაში. ერთ–ერთი ბრძოლისას თურქებმა ტყვედ ჩაიგდეს, მაგრამ ხუთ ჯარისკაცთან ერთად მოახერხა ტყვეობიდან გაქცევა და ახალციხეში თავის ათასეულს შეუერთდა, შემდეგ აკაკი კვიტაიშვილმა რეგულარულ ჯარს თავი დაანება და ვალიკო ჯუღელთან გადავიდა სახალხო გვარდიაში, სადაც სამტრედიის რაიონის გვარდიის ათასეულის უფროსად დაინიშნა. იგი აქტიურად იბრძოდა რუსეთ–საქართველოს 1921 წლის ომში. 1921 წელს რუსეთის მიერ საქართველოს ოკუპაციის შემდეგ აკაკი კვიტაიშვილმა სამხედრო სამსახურს თავი დაანება, ამ პერიოდიდან ჩართული იყო არალეგალურ მუშაობაში, რაც "ჩეკას" არ გამოპარვია. საქართველოს ანექსიიდან სულ მალე აკაკი კვიტაიშვილი იძულებული გახდა სამშობლო დაეტოვებინა და უცხოეთში წასულიყი. საზღვარგარეთ იგი აქტიურად იყო ჩართული პოლიტიკურ ბრძოლაში – იყო "მხედართა კავშირის" გამგეობის მუდმივი წევრი და სოციალ–დემოკრატიული პარტიის აქტიური წევრი. ჟურნალ "მხედარში" სამხედრო თემაზე ბეჭდავდა სტატიებს: "ქართული მხედრობა" (№2, 1929), "ზოგი რამ ისტორიულ ფაქტებზე" (№14-15, 1933), "ჯარისკაცის აღზრდის შესახებ" (№16, 1934). რუსეთ–საქართველოს 1921 წლის ომი აკაკი კვიტაიშვილმა, როგორც იმერეთის მეორე ბატალიონის ყოფილმა უფროსმა, დოკუმენტური სიზუსტით აღწერა 1966 წელს პარიზ–აბონდანში დაწერილ ნარკვევში: "რუსეთ-საქართველოს ომი 1921 წელს საქართველოს ოკუპაცია რუსეთის მიერ" (საქართველოს სსრ მეცნიერებათა აკადემიის მოამბე N2. თბილისი, 1990. ტ.137, გვ.114-129), "ბრძოლები თბილისთან" ("სიტყვა"- ანალიტიკური საზოგადოებრივ-პოლიტიკური გამოცემა. თბილისი, 2008. N 3. გვ. 91-98). II მსოფლიო ომში აკაკი კვიტაიშვილი, როგორც უბრალო მოხალისე გმირულად იბრძოდა. ქართული ემიგრაციის წარმომადგენელი.

წყარო: აკაკი კვიტაიშვილი : 1921 წელს სახალხო გვარდიის წევრი / გურამ შარაძე // მამული .-თბილისი, 1990.- N3.- გვ.3; აკაკი კვიტაიშვილი : საფრანგეთში ემიგრაციაში გარდაცვლილი სამხედრო და პოლიტიკური მოღვაწის მოკლე ბიოგრაფიული ცნობები და წერილები / გურამ შარაძე //მამული .-თბილისი, 1990 .- N3.-გვ.2-6