სოსო მეშველიანი

დაბადების ადგილი: სოფელი ნანარი, ქვემო სვანეთი.

1993 წელს ჩააბარა ქუთაისის სახელმწიფო უნივერსიტეტში ისტორია-ფილოსოფიის ფაკულტეტზე, თუმცა, მიზეზთა გამო, იძულებული გახდა სწავლისთვის თავი დაენებებინა და საზღვარგარეთ წასულიყო. ჩვიდმეტი წელი გაატარა უცხოეთში, ბოლო ცამეტი წელი ცხოვრობდა ესპანეთში. ლექსებს წერს სტუდენტობიდან. თუმცა პირველი პუბლიკაცია მოგვიანებით ჟურნალ "ცისკარში" შედგა, შემდეგ კი; "ჩვენს მწერლობაში". მისი ლექსები და პროზაული ჩანაწერები სისტემატურად იბეჭდება სხვადასხვა ლიტერატურულ ჟურნალ-გაზეთში. მისი ლექსები თარგმნილი და შეტანილია, უცხოურ ქვეყნებში გამოცემულ კრებულებსა თუ ანთოლოგიებში. გამოცემულია მისი პოეტური და დოკუმენტური პროზის ოთხი კრებული: "ღამე სასწაული" (2011), "მიჟლაჰარ" (2014), "ქუნარეშ" და "Arboles Altos".

წყარო: ქართველი პოეტები : ენციკლოპედია / შეადგინა ალექსანდრე ელერდაშვილმა.- თბ.,2021.-გვ. 224; პირველი არხი: 1tv.ge

• ალპური ყვავილები : კრებული (ავტორი). - თბილისი, ინტელექტი, 2019. - 120გვ.. - ISBN: 9789941310218
• Arboles altos : ლექსები (ავტორი). - თბილისი, ინტელექტი, 2017. - 104გვ.. - ISBN: 9789941470868
• ქუნარეშ : ნოველები, მინიატურები, ჩანაწერები (ავტორი). - თბილისი, ინტელექტი, 2017. - 96გვ.. - ISBN: 9789941470264
• მიჟლაჰარ : ლექსები (ავტორი). - თბილისი, ინტელექტი, 2014. - 68გვ.. - ISBN: 9789941454110
• ღამესასწაული : ლექსები (ავტორი). - თბილისი, ინტელექტი, 2011. - 94გვ.. - ISBN: 9789941430039