კონსტანტინე იოსელიანი

დაბადების ადგილი: სოფელი ლახირი, ახლანდელი მესტიის მუნიციპალიტეტი.

დაამთავრა ქ. მოსკოვის ტიმირიაზევის სახელობის სოფლის მეურნეობის აკადემიის ეკონომიკის ფაკულტეტი 1939 წელს.

აკადემიის დასრულების შემდეგ იგი დაბრუნდა მშობლიურ სვანეთში და მუშაობა დაიწყო მესტიის რაიონის სტატისტიკის განყოფილების უფროსად; დიდი სამამულო ომის პერიოდში მოხალისედ იბრძოდა სამთო მსროლელთა ბატალიონში, სამამულო ომის დასრულების შემდეგ სამი ათეული წლის განმავლობაში ხელმძღვანელობდა მესტიის რაიონის აღმასკომის ფინანსურ განყოფილებას; 1957 წელს მუშაობის პერიოდში კვალიფიკაციის ამაღლების მიზნით, წარმატებით გაიარა სპეციალური კურსი ლენინგრადის საფინანსო-ეკონომიკურ ინსტიტუტში; 1977-1988წწ. მუშაობდა მესტიის რაიონში, სხვადასხვა სამეურნეო თანამდებობებზე. დამსახურებული ფინანსისტი, მაღალკვალიფიციური სპეციალისტი, მიღებული ჰქონდა საბრძოლო ჯილდოები და მადლობები.

წყარო: სვანეთი და სვანები / ირაკლი დვალი, გივი ქურდიანი.-თბ., 2014.-გვ.188