ირაკლი შარაბიძე

დაბადების ადგილი: ქ. ბათუმი.

დაამთავრა ბათუმის საზღვაოსნო სასწავლებლის გემთწამყვანი ფაკულტეტი 1994 წელს; ბათუმის სახელმწიფო საზღვაო აკადემიის საზღვაო-საინჟინრო ფაკულტეტი 2003 წელს.

ზღვაში შრომითი საქმიანობა ქართულ-ინგლისური ერთობლივი  კომპანია «ANGLO-GEORGIAN SHIPPING»-ის გემებზე დაიწყო, მომდევნო წლებში ერთობლივი და ცნობილი უცხოური სანაოსნო კომპანიების:«ABC MARITIME»-ს, «COLUMBIA SHIPMANAGEMENT»-ის, «EASTWIND SHIPMANAGEMENT»-ისა და «MOTIA COMPAGNIA DI NAVIGAZIONE SpA»-ს მენეჯმენტისა და მართვის ქვეშ მყოფ ტანკერებზე გაიარა მან საზღვაო შტურმანობის ყველა საფეხური, იყო შორეული ნაოსნობის კაპიტნის მესამე (1994-1997), მეორე (1997-2000) და უფროსი თანაშემწე (2000-2004), 2004 წელს კი თავად გახდა შორეული ნაოსნობის კაპიტანი. 2004 წლიდან კაპიტნად ცურავდა და მეთაურობდა ერთ დროს საქართველოს საზღვაო სანაოსნოს კუთვნილი ტანკერების -«NINO»-ს (ექს- «G.ORDZHONIKIDZE»), «ARAL WIND»-ის (ექს- «UZNADZE»), «AMUNDSEN WIND»-ის (ექს-«BAKRADZE»), «ADRIATIC WIND»-ის (ექს- «KACHARAVA») და გერმანული კომპანია «SEAARLAND SHIPMANAGEMENT»-ის გემების ეკიპაჟებს; 2008 წელს მან სინგაპურში გაიარა აუდიტორ-ინსპექტორის (ISM/ISPS AUDITOR) გადამზადებისა და კვალიფიკაციის ასამაღლებელი სპეციალური კურსები და 2009 წლამდე კომპანია «EASTWIND SHIPMANAGEMENT»-ის კოორდინატორისა და საზღვაო სუპერინტენდანტის  მოვალეობებს ასრულებდა; 2008 წლიდან იყო საზღვაო-საკრუინგო კომპანია " ASP CREW MANAGEMENT GEORGIA  LTD" -ს დამფუძნებელი და ხელმძღვანელი-გენერალური დირექტორი; 2010 წლიდან საჯარო სამსახურშია, თავდაპირველად საქართველოს ეკონომიკისა და მდგრადი განვითარების სამინისტროს საზღვაო ტრანსპორტის სააგენტოს უფროსის მოადგილედ, 2012-2022 წლებში კი ბათუმის სახელმწიფო საზღვაო აკადემიის რექტორად; 2021 წელს პარტნიორებთან ერთად დაარსა მეზღვაურთა გადამზადების საზღვაო-საწვრთნელი ცენტრი «მერიდიანი,» რომელსაც თავად ხელმძღვანელობს. შორეული ნაოსნობის კაპიტანი, პროფესორი (2013).

წყარო: პაატა ტაბაღუას საავტორო გვერდი: "საქართველო საზღვაო ქვეყანაა": facebook.com