ნესტორ კეჭაყმაძე

დაბადების ადგილი: სოფელი ზენობანი, ჩოხატაურის რაიონი.

1903 წელს დააპატიმრეს გურიის განმანთავისუფლებელ მოძრაობაში მონაწილეობისათვის. დაპატიმრებული იყო ქუთაისის ციხეში, შემდეგ სამი წლით გადაასახლეს რუსეთში (თ. ჟღენტი, "1905 წელი გურიაში", ტფ., 1927 წელი). 1905 წელს, მეგზურობას უწევდა სულთან კრიმ-გირეის გურიაში მოგზაურობის დროს და ჟურნალ "მოგზაურში" აქვეყნებდა კორესპონდენციებს, სადაც დაწვრილებით აღწერდა ამ მოგზაურობისა და გურულებთან შეხვედრის ამბებს.

წყარო: ქართველ მოღვაწეთა ლექსიკონი, 1801-1952: ტ. II ე-ლ / იოსებ იმედაშვილი.-თბ.,2021.-გვ.652