სილოვან კახიანი

დაბადების ადგილი: სოფელი მულახი, ახლანდელი მესტიის მუნიციპალიტეტი.

დაამთავრა მესტიის პედაგოგიური სასწავლებელი 1931 წელს; თბილისის სახელმწიფო ზოოვეტერინალური ინსტიტუტი 1936 წელს.

1936 წელს მუშაობა დაიწყო მესტიის რაიონის სოფელ ბეჩოს სასოფლო-სამეურნეო ტექნიკუმში მასწავლებლად. 1937 წელს დააწინაურეს და გადაიყვანეს მესტიის რაიონის მიწათმოქმედების განყოფილების გამგედ და რაისაბჭოს აღმასკომის თავმჯომარის მოადგილედ. 1941-1945წწ. დიდი სამამულო ომის პერიოდში ასრულებდა განსაკუთრებული დანიშნულების რაზმის მეთაურის მოადგილის მოვალეობას ზემო სვანეთში. 1953-1954წწ. მუშაობდა მესტიის რაისაბჭოს აღმასკომის სოფლის მეურნეობის სამმართველოსა და სასოფლო-სამეურნეო პროდუქტების დამზადების უფროსად, 1954-1958წწ. მესტიის რაიონის სოფლის მეურნეობის სამმართველოს უფროსი და რაისაბჭოს აღმასკომის თავმჯდომარის მოადგილე იყო. 1961 წელს იგი მესტიის საცდელ-საჩვენებელი კოლმეურნეობის თავმჯდომარედ აირჩიეს. შემდეგში ზუგდიდის სარაიონთაშორისო ინსპექციის სასოფლო-სამეურნეო პროდუქტების დამზადების მესტიის რაიონის ინსპექტორის თანამდებობაზე მუშაობდა. 1965-1973წწ. ხელმძღვანელობდა მესტიის რაიონის სოფლის მეურნეობის საწარმოო სამმართველოს. სახელმწიფო მოღვაწე. 

წყარო: სვანეთი და სვანები / ირაკლი დვალი, გივი ქურდიანი.-თბ., 2014.-გვ.202

• საქართველოს დამსახურებული ზოოტექნიკოსი