გვაშაყან კვიციანი

დაბადების ადგილი: სოფელი ბეჩო, მესტიის რაიონი.

დაამთავრა ა. ს. პუშკინის სახელობის თბილისის სახელმწიფო პედაგოგიური ინსტიტუტის დაუსწრებელი განყოფილების ფილოლოგიის ფაკულტეტი.

1940 წლიდან სხვადასხვა დროს მუშაობდა ბეჩოს, მაზერის, მესტიის, ცხუმარის სკოლებში და მესტიის სკოლა ინტერნატში. 1978 წელს იგი დანიშნეს წიგნის მოყვარულთა საზოგადოების მესტიის რაიონული განყოფილების პასუხისმგებელ მდივნად, 1998 წელს მუშაობა განაგრძო სოფელ ცხუმარის საშუალო სკოლაში ქართული ენისა და ლიტერატურის მასწავლებლად, სადაც სიცოცხლის ბოლომდე მოღვაწეობდა; დიდი წვლილი აქვს შეტანილი სვანური ფოლკლორისა და მუსიკის განვითარებაში. მიღებული აქვს არა ერთი პირველი ხარისხის დიპლომი და ოქროს მედალი ხელოვნების დარგში აქტიური მოღვაწეობისთვის. ქალთა ფოლკლორულ ანსამბლ "ირინოლას", რომელსაც გ. კვიციანი ხელმძღვანელობდა მიღებული აქვს ლაურეატის წოდება. სვანური ფოლკლორისა და მუსიკის ერთ-ერთი თვალსაჩინო მოღვაწე.

წყარო: სვანეთი და სვანები / ირაკლი დვალი, გივი ქურდიანი.-თბ., 2014.-გვ.207

• 2009 - ღირსების ორდენი
  სახალხო განათლების საქმეში პირადი წვლილისათვის
• საქართველოს სახელმწიფო პრემიის ლაურეატი
• ოქროს მედალი
• პირველი ხარისხის დიპლომი, ხელოვნების დარგში
  აქტიური მოღვაწეობისათვის