ერმენტო კვიციანი

დაბადების ადგილი: სოფელი ბეჩო, მესტიის რაიონი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტი 1941 წელს; ორწლიანი პარტიული სკოლა.

1935 წელს სკოლის დამთავრებისთანავე მუშაობა დაიწყო სოფელ ლატალის შვიდწლიან სკოლაში მათემატიკის მასწავლებლად; სხვადასხვა დროს მუშაობდა გაზეთ "ახალი სვანეთის" რედაქტორად, მესტიის რაიონის განათლების განყოფილების გამგედ, ბეჩოს საშუალო სკოლის დირექტორად; დიდი სამამულო ომის დროს იცავდა კავკასიონის გადმოსასვლელებს და იყო ოცეულის მეთაური. იგი სრულყოფილად ფლობდა რუსულ და გერმანულ ენებს; ზეპირად კითხულობდა პასტერნაკს, ესენინს და რიგ სხვა მწერალთა ნაწარმოებებს. დღესაც, მას სვანეთში "დიდი ერმენტოს" სახელით იხსენებენ.

წყარო: სვანეთი და სვანები / ირაკლი დვალი, გივი ქურდიანი.-თბ., 2014.-გვ.212