ილო მთიბელაშვილი

დაბადების ადგილი: სოფელი ჩარგალი, დუშეთის მუნიციპალიტეტი.

მცირე ხანში მისი მშობლები საცხოვრებლად ჯერ წითელწყაროს რაიონის სოფელ ქვემო ქედში გადასულან, შემდეგ - ყვარლის რაიონში. საბოლოოდ კი ლაფანყურში დამკვიდრებულან. ილო მთიბელაშვილს სკოლაში არ უვლია, წერა-კითხვა მწყემსობაში ისწავლა. ძალიან უყვარდა წიგნები და ბევრსაც კითხულობდა; თითქმის მთელი სიცოცხლე ცხვარში გაატარა. იყო მეცხვარეობის ბრიგადირი, ფერმის გამგე. 1953 წელს, როცა კოლმეურნეობის მანქანით ზამთრის საძოვრებიდან სოფელში ბრუნდებოდა, მანქანა გადავარდა და დაიღუპა. 40-იანი წლების ახალგაზრდობამ მისი ყველა ლექსი ზეპირად იცოდა; ამ ლექსებს მღეროდნენ ფანდურზე.

წყარო: ქართველი პოეტები : ენციკლოპედია / შეადგინა ალექსანდრე ელერდაშვილმა.- თბ.,2021.-გვ. 224-225

• ლაფანყურელი მოლექსეები. - თბილისი, მერანი, 1991. - 114გვ.