ბიძინა მინდაძე

დაამთავრა თბილისის სახელმწიფო სამედიცინო ინსტიტუტი 1964 წელს.

1972-1979წწ. მუშაობდა თბილისის სახელმწიფო სამედიცინო ინსტიტუტის პედიატრიული, პროფილაქტიკური მედიცინის, სტომატოლოგიური ფაკულტეტების ნერვულ სნეულებათა კათედრის ასისტენტად; მისი დებიუტი ლიტერატურულ ასპარეზზე 1960 წელს შედგა, როდესაც სალიტერატურო პერიოდიკაში გამოაქვეყნა პირველი ლექსები. იგი თერთმეტი პოეტური კრებულის ავტორია, მათ შორისაა: "თბილი თოვლი", "მესამე ზარი", "სახელები", "უპირველეს სიყვარულს", "მიზეზი ლხინთა ლევისა..."; მის კალამს ეკუთვნის, აგრეთვე, საყმაწვილო ლექსების კრებულები "ორი ჭიანჭველა" და "ეკამ ვარდი დახატა". არის 50 სამეცნიერო ნაშრომის ავტორი, მათ შორის 1 მონოგრაფიისა- "ნერვული სისტემის მემკვიდრული დაავადებები" (1987). მედიცინის მეცნიერებათა კანდიდატი (1979), ცნობილი ექიმისა და საზოგადო მოღვაწის ალექსი მინდაძის შვილი.

წყარო: ქართველი პოეტები : ენციკლოპედია / შეადგინა ალექსანდრე ელერდაშვილმა.- თბ.,2021.-გვ. 226; საქართველოს სამედიცინო კალენდარი: ნაწ.I : 2 ნაწილად / ჯუმბერ ქორჩილავა.-თბ.,2010.-გვ.332-333

• საქართველოს მწერალთა კავშირი, წევრი (1978-)

• მიზეზი ლხინთა ლევისა : ლექსები და პოემები (ავტორი). - თბილისი, საბჭოთა საქართველო, 1989. - 202გვ.
• ბავშვობა არ მთავრდება : ლექსები (ავტორი). - თბილისი, ნაკადული, 1986. - 66გვ.
• სახელები : ლექსები (ავტორი). - თბილისი, საბჭოთა საქართველო, 1983. - 132გვ
• უპირველესი სიყვარული : ლექსები (ავტორი). - თბილისი, ნაკადული, 1980. - 50გვ.
• ეკამ ვარდი დახატა : ლექსები უმცრ. სასკოლო ასაკის ბავშვთათვის (ავტორი). - თბილისი, ნაკადული, 1978. - 22გვ.