ნინო კიკვიძე

დაბადების ადგილი: სოფელი ქვედა შავრა, ამბროლაურის რაიონი.

დაამთავრა თბილისის ქალთა პროფესიონალური სკოლა.

1909-1914 წლებში აქტიურად მონაწილეობდა კ. თავართქილაძის მიერ დაარსებულ საგამომცემლო საზოგადოება "კულტურას" საქმიანობაში; თბილისში და სოფლად ავრცელებდა წიგნებს, ეწეოდა აგიტაცია-პროპაგანდას; 1910 წელს სოფელ ღადისში გახსნა პირველი სასწავლო-საჩვენებელი საფეიქრო სახელოსნო; 1919-1920 წლებში საკუთარი სახსრებით გახსნა ჭრა-კერვისა და წერა-კითხვის შემსწავლელი კურსები, რომელიც 1920 წლიდან პროფესიულ სკოლად გადაკეთდა. ნინო კიკვიძემ, როგორც მეუფეტკრეობის მცოდნემ, ხელი შეუწყო ამ დარგის გავრცელებას, იგი ასევე მისდევდა ხეხილის მყნობას, მევენახეობას; სოფელ ჭრებალოში მისი აქტიური ხელშეწყობით დაარსდა საქველმოქმედო საზოგადოება ღარიბი მოსახლეობის დასახმარებლად. ნინო კიკივიძე ცნობილი იყო როგორც ერთ-ერთი საუკეთესო მქარგავი, მის მიერ მოქარგული ტილო "ტარიელი წყლის პირას" გამოფენილი იყო ხალხური შემოქმედების მუზეუმში (ამ მუზეუმშივეა დაცული მისი ნამუშევრები). სახალხო შემოქმედი.

წყარო: ქართველ მოღვაწეთა ლექსიკონი, 1801-1952: ტ. II ე-ლ / იოსებ იმედაშვილი.-თბ.,2021.-გვ.678