იოსებ კირკიტაძე

დაბადების ადგილი: სოფელი თავასა (შორაპნის მაზრა), თერჯოლის რაიონი.

მუშაობდა ჭიათურის მაღაროში; იყო ბოლშევიკური ორგანიზაციის წევრი. 1904-1905 წლებში პარტიის დავალებით ჭიათურის რაიონში აწყობდა ტერორისტულ აქტებს. 1905 წლის დასაწყისში, ჭიათურის საბოქაულოში თავს დაესხა შავრაზმელ ჯაშუშ მწერალს, რომელიც პარტიის მოთხოვნილებას არ დაემორჩილა. თავდასხმის დროს იოსებ კირკიტაძე დააპატიმრეს. 1906 წელს, რეაქციის დაწყებისას იგი ისევ დააპატიმრეს და ციმბირის საკატორღო ციხეში გაგზავნეს, საიდანაც რევოლუციის შემდეგ დაბრუნდა და როგორც პარტიის მდივანი, სოფელ თავასას თემში პარტიულ ორგანიზაციას ხელმძღვანელობდა. რევოლუციონერი.

წყარო: ქართველ მოღვაწეთა ლექსიკონი, 1801-1952: ტ. II ე-ლ / იოსებ იმედაშვილი.-თბ.,2021.-გვ.699