ბორის გოგოლაძე

დაბადების ადგილი: ქ. ნინოწმინდა.

დაამთავრა საქართველოს ზოოვეტერინარული ინსტიტუტის ვეტერინარულ ფაკულტეტი ექიმი ვეტერინარის სპეციალობით 1972 წელს; 1984-1987წწ. სწავლობდა საქართველოს მარქსიზმ-ლენინიზმის უნივერსიტეტის ისტორიის ფაკულტეტზე; 1984-1987წწ. გაიარა ქ. ლენინგრადის ფრინველთა დაავადებების საკავშირო სამეცნიერო-კვლევითი ინსტიტუტის ასპირანტურა.

ინსტიტუტში ჩაბარებისთანავე მუშაობა დაიწყო სამეცნიერო კვლევითი ინსტიტუტის მეფრინველეობის განყოფილების ლაბორანტად, შემდგომში მეცნიერ მუშაკად; 1976 წელს გამოიძახეს საბჭოთა კავშირის თავდაცვის სამინისტროს ვეტერინარული შემადგენლობის ორთვიან წვრთნებზე, სადაც მიანიჭეს სამხედრო სამსახურის თადარიგის ლეიტენანტის წოდება; 1978-1992წწ. გადაიყვანეს "საქფრინველმრეწვის" სამმართველოში სადაც სოფლის მეურნეობის სამინისტროს დავალებით ჩამოაყალიბა მეფრინველეობის რესპუბლიკური სპეც. ლაბორატორია, რომლის დირექტორად მუშაობდა 1993 წლამდე; 1993 წელს გადაიყვანეს საწარმოო სამეცნიერო გაერთიანება "საქფრინველმრეწვის" პირველ ვიცე პრეზიდენტად; იმავე წელს დაინიშნა ჯერ გაერთიანების პრეზიდენტად, შემდგომში 1995 წლის რეორგანიზაციის ბოლომდე გაერთიანების თავმჯდომარედ; 1995 წელს გახდა სტრუქტურული ცვლილებების შედეგად გარდაქმნილი, მეფრინველეობის მრეწველობის სახელმწიფო კორპორაციის პირველი ვიცე პრეზიდენტი; 1997 წელს გადაიყვანეს საქართველოს სოფლის მეურნეობის სამინისტროს მეცხოველეობის სანაშენე საქმისა და მეფრინველეობის მრეწველობის სახელმწიფო კორპორაციის თავმჯდომარის პირველ მოადგილედ; 2001-2005წწ. მუშაობდა სოფლის მეურნეობის სამინისტროს მეცხოველეობის სანაშენე საქმის დეპარტამენტის საწარმოო სამმართველოს უფროსად; 2006-2007წწ. ხელმძღვანელობდა კერძო საკუთრებაში არსებულ თეთრიწყაროს სანაშენე მეფრინველეობის რეპროდუქტორს. პედაგოგიური საქმიანობა: საქართველოს ზოო-ვეტერინარული ინსტიტუტის მარნეულის, ლანჩხუთის და ახალციხის ფილიალების მოწვეული პედაგოგი; თბილისის წმნიდა გრიგოლ ფერაძის სახელობის უნივერსიტეტის ვეტერინარული ფაკულტეტის პროფესორი; საქართველოს ევროპის უნივერსიტეტის ვეტერინარული ფაკულტეტის პროფესორი. ვეტერინარიის დარგში შეტანილი წვლილისთვის მიღებული აქვს საქართველოს სოფლის მეურნეობის სამეცნიერო აკადემიის საპატიო სიგელი (2017). ვეტერინარიის მეცნიერებათა კანდიდატი (1988), ვეტერინარიის მეცნიერებათა დოქტორი (2007).

• საქართველოს ეკოლოგიურ მეცნიერებათა აკადემია, წევრ-კორესპონდენტი (1995-)

• 1998 - ღირსების ორდენი
  საქართველოში მეფრინველეობის დარგის განვითარებაში შეტანილი წვლილისთვის

• სასოფლო სამეურნეო პროდუქტების სასამართლო სავეტერინარო სანიტარული ექსპერტიზა (ავტორი). - თბილისი, 1996
• სავეტერინარო ობიექტების დეზინფექცია, დეზინსექცია, დერატიზაცია (თანაავტორი). - თბილისი