ია სულაბერიძე

დაბადების ადგილი: ქ. თბილისში.

დაამთავრა თბილისის სამედიცინო ინსტიტუტის პედიატრიული ფაკულტეტი 1991 წელს.

1997 წლამდე მუშაობდა რუსთავის პირველ ბავშვთა პოლიკლინიკაში. შემდეგ უარი თქვა პროფესიით მუშაობაზე; ლექსები პირველად გამოაქვეყნა 1991 წელს გაზეთ "ლიტერატურულ საქართველოში", მურმან ლებანიძის წინასიტყვით; ამავე წელს, მურმან ლებანიძისავე რედაქტორობით, დაისტამბა მისი პირველი წიგნიც. სისტემატურად იბეჭდება პერიოდულ ლიტერატურულ ჟურნალებსა და გაზეთებში. 1999-2001 წლებში მუშაობდა საქართველოს მწერალთა კავშირის ქვემო ქართლის ორგანიზაციის თავმჯდომარედ, საიდანაც საკუთარი სურვილით წამოვიდა. გამოცემული აქვს კრებულები: "40 ლექსი", "მეორე წიგნი", "მე არ ვარ ევა" (2006), "სიბრძნე სიურჩისა". ეწევა აქტიურ მთარგმნელობით საქმიანობას, თარგმნილი აქვს ქართულად რუსული, ბელორუსული, თურქული და ტაჯიკური პოეზიის ნიმუშები. მისი ლექსები თარგმნილია რუსულ და იტალიურ ენებზე.

წყარო: ქართველი პოეტები : ენციკლოპედია / შეადგინა ალექსანდრე ელერდაშვილმა.- თბ.,2021.-გვ.288-289; არმური: armuri.georgianforum.com

• სიბრძნე სიურჩისა : პოეზია (ავტორი). - თბილისი, ბაკმი, 2014. - 104გვ.. - ISBN: 9789941426407
• მეორე წიგნი : ლექსები (ავტორი). - თბილისი, მურმან ლებანიძის გამომცემლობა "ჩანგი", 2011. - 128გვ.
• თავიდან ბოლომდე : პოეზია (ავტორი). - ბაკმი, 2011. - 216გვ.. - ISBN: 9789941426049
• მე არ ვარ ევა : პოეზია (ავტორი). - თბილისი, მერანი, 2006. - 138გვ.