არჩილ კორინთელი

დაბადების ადგილი: ქ. დუშეთი.

სწავლობდა თბილისის ქართულ გიმნაზიასა და კომერციულ სასწავლებელში; დაამთავრა საბუღალტრო კურსები და საფინანსო-ეკონომიკური ინსტიტუტი.

1919 წელს თბილისში ჩამოაყალიბა ახალგაზრდა მწერალ-სიმბოლისტთა წრე და საკუთარი ხარჯით გამოსცა ჟურნალი "კრონოსის სარკე"; იმავე წელს, ალექსანდრე მაისურაძესთან ერთად ჩამოაყალიბა "ახალი დრამატული წრე", რომლის მიზანიც იყო ახალი მიმართულების თეატრის შექმნა (ორი წარმოდგენა გამართა ხელოსანთა კლუბში, ერთ-ერთი პიესა "დაღუპული სიყვარული" არჩილ კორინთელს ეკუთვნოდა); 1920 წელს, დუშეთში მუშაობის დროს ხელმძღვანელობდა დუშეთის დრამატულ დასს და მუშაობდა სცენისმოყვარეთა გამგეობაში. წერდა უმთავრესად სოციალური შინაარსის პიესებს, ჟურნალ-გაზეთებში ათავსებდა წერილებს ხელოვნებისა და პროვინციებში მიმდინარე მოვლენების შესახებ. თეატრალური მოღვაწე.

წყარო: ქართველ მოღვაწეთა ლექსიკონი, 1801-1952: ტ. II ე-ლ / იოსებ იმედაშვილი.-თბ.,2021.-გვ.736