ლაშა ტბაური

დაბადების ადგილი: ქ. ბათუმი.

საარქივო ფონდში დაცული ცნობების საფუძველზე ირკვევა, რომ იგი 1935 წლის 14 ოქტომბერს მწერალთა კავშირიდან გარიცხეს; ლ. ძიმისტარაშვილის რეპრესიის შესახებ ცნობები საბჭოთა კავშირის დაშლის შემდეგ ჩნდება; ირკვევა, რომ ახალგაზრდა პოეტის წინაღმდეგ მიმართული კამპანია 1934 წელს დაიწყო; საბჭოთა ხელისუფლებამ მოღალეტეობრივ ქმედებებად ჩაუთვალა 1932-1934 წლებში ბათუმელი მოსწავლეების: დიმიტრი ძიმისტარიშვილის, შოთა გოგუასა და პავლე მორჩილაძის მიერ დაარსებულ საქართველოს ისტორიის და ქართული პოეზიის შემსწავლელ წრესთან ურთიერთობა; როგორც ჩანს, ლავრენტი ძიმისტარიშვილი ყოველთვის ვერ თავსდებოდა იდეოლოგიის ჩარჩოებში და უკმაყოფილებას გამოხატავდა; გარდა ამისა, ალბათ, მისი ასაკი გახდა საბაბი იმისა, რომ მოსწავლეებთან ერთად, ამ წრის შექმნის გამო დაესაჯათ – პირველ ეტაპზე მწერალთა კავშირიდან გარიცხეს, შემდეგ გადაასახლეს და გადასახლებაში დაიღუპა. მის შემოქმედებაში განსაკუთრებული სიყვარულითა და სითბოთია ასახული აჭარის თემა. ამის დასტურია ლექსები: "აჭარას", "ორი სიმღერა აჭარისწყალზე", "აჭარელ გოგონას", "მაგნოლიები, შრიალი სიოს" და სხვ.

წყარო: საინფორმაციო ცნობარი აჭარაში მოღვაწე მწერალთა შესახებ / შემდგენელი ცისანა ანთაძე.-ბათუმი, 2019.-გვ.223; ლაშა ტბაური - რეპრესიებს შეწირული ახალგაზრდა პოეტი / მანანა თავდგირიძე // საერთაშორისო კონფერენცია "ჰუმანიტარული მეცნიერებები ინფორმაციულ საზოგადოებაში - II" : თეზისები, 24-26 ოქტომბერი.- ბათუმი, 2014. -გვ.66-67 (academia.edu)

• სიმები ქარში : ლექსები (ავტორი). - ბათუმი, საბჭოთა აჭარა, 1970. - 111გვ.