პლატონ ლეკიშვილი

დაბადების ადგილი: სოფელი ჭყვიში, ამბროლაურის მუნიციპალიტეტი.

სწავლობდა ქუთაისის საკვირაო სკოლაში.

1904-1905 წლებში მუშაობდა ქუთაისში მესაათესთან. შემდეგ ცხოვრობდა და მუშაობდა ესენტუკში, ნოვოჩერკასკში და პიატიგორსკში; იყო ესერთა პარტიის წევრი, მონაწილეობდა "ჩრდილო-კავკასიის ქართველთა საზოგადოების" დაარსებასა და საქმიანობაში. პიატიგორსკიდან კორესპონდენციებს ათავსებდა "სახალხო გაზეთსა" და "ჩვენ მეგობარში". საქართველოში საბჭოთა ხელისუფლების დამყარების შემდეგ, მუშაობდა ფოთში სხვადასხვა თანამდებობაზე, იყო კულტურის კომისიის წევრი, საქალაქო საბჭოს წევრი, სავაჭრო-კოოპერატიული სექციის ბიუროს წევრი და სხვ.

წყარო: ქართველ მოღვაწეთა ლექსიკონი, 1801-1952: ტ. II ე-ლ / იოსებ იმედაშვილი.-თბ.,2021.-გვ.779