ეკატერინე ლოლუა

დაამთავრა ქუთაისის წმინდა ნინოს სასწავლებელი 1924 წელს და თბილისის სახელმწიფო კონსერვატორია 1926 წელს. 1930 წლიდან მონაწილეობდა კონცერტებში. 1929-1930 წლებში მუშაობდა კონსერვატორიასთან არსებულ საოპერო კლასში, ალექსანდრე წუწუნავას ხელმძღვანელობით. 1930 წელს მელიტონ ბალანჩივაძის ოპერაში "დარეჯან ცბიერი" შეასრულა ცირას როლი. მონაწილეობდა 1937 წელს მოსკოვში, ქართული ხელოვნების დეკადაში, სადაც დაჯილდოვდა ოქროს საათით. ლირიული სოპრანო.

წყარო: ქართველ მოღვაწეთა ლექსიკონი, 1801-1952: ტ. II ე-ლ / იოსებ იმედაშვილი.-თბ.,2021.-გვ.826