ბესარიონ სტურუა

დაბადების ადგილი: სოფელი მთისძირი, ვანის რაიონი.

დაამთავრა მოსკოვის ჰიდრომელიორაციული ინსტიტუტი.

1917 წლიდან ჩაბმული იყო რევოლუციურ მოძრაობაში საქართველოსა და ბაქოში; 1921 წელს, როცა საქართველო გახდა საბჭოთა სოციალისტური რესპუბლიკა, ოჯახი დაბრუნდა საქართველოში; 1924 წელს მეუღლესთან, თამარ გაბარაშვილთან ერთად, სასწავლებლად წავიდა მოსკოვში; ინსტიტუტის დამთავრების შემდეგ დაბრუნდა საქართველოში და დაიწყო მუშაობა ჰიდრომელიორაციულ კვლევით ინსტიტუტში მეცნიერ-მუშაკად; 1937 წელს, თ. გაბარაშვილი, ხალხის მტრად იქნა გამოცხადებული და მიესაჯა დახვრეტა ქონების კონფისკაციით; 1937 წლის 28 დეკემბერს დააკავეს ბ. სტურუაც და მიუსაჯეს 5 წლით თავისუფლების აღკვეთა უხტიჟემლაგში (სადაც სინამდვილეში 10 წელი გაატარა); გადასახლებიდან 1948 წელს დაბრუნდა; მას არ მისცეს თბილისში ცხოვრების უფლება; ბინასთან ერთად დაკარგა ძალიან დიდი ბიბლიოთეკა და თავისი მეცნიერული ნაშრომები; უბრძანეს რომ 24 საათში დაეტოვებინა თბილისი, რის შემდეგაც საცხოვრებლად სამტრედიაში გადავიდა. რეპრესირებული.