გრიგოლ ნარსია

დაბადების ადგილი: სოფელი ნიგოითი, ლანჩხუთის რაიონი.

1924-1925წწ. მუშაობდა სოფელ ნიგოეთის ორგანიზაციის მდივნად, შემდგომ იყო ბიუროკოლექტივის მდივანი და ხელმძღვანელობდა საშუალო სკოლის კომკავშირულ ორგანიზაციას; უნივერსიტეტში სწავლასთან ერთად სხვადასხვა თანამდებობაზე მუშაობდა საქართველოს სსრ შრომის სახალხო კომისარიატის სისტემაში; 1931-1937წწ. იყო პროფკავშირულ სამუშაოზე, ჯერ საფინანსო-საბანკო მუშაკთა პროფესიული კავშირის საქართველოს რესპუბლიკური გამგეობის პ/მგ მდივნად, ხოლო შემდგომ მის თავმჯდომარედ; 1937-1938წწ. საქართველოს სსრ ფინანსთა სახალხო კომისარიატის სისტემაში - სახდაზღვევის სამმართველოს უფროსად და ფინანსთა სახალხო კომისრის მოვალეობის შემსრულებლად; 1938 წლიდან მუშაობდა ქუთაისის საქალაქო კომიტეტის პირველ მდივნად; 1938 წელს არჩეულ იქნა საქართველოს სსრ პირველი მოწვევის უმაღლესი საბჭოს დეპუტატად, აგრეთვე პრეზიდიუმის წევრად და საბიუჯეტო კომისიის თავმჯდომარედ; 1938-1939წწ. ხელმძღვანელობდა ქუთაისის საქალაქო პარტიულ ორგანიზაციას, რომელშიც აგრეთვე შედიოდნენ წყალტუბოს და ქუთაისის რაიონები; 1941-1942წწ. იყო ამიერკავკასიის ფრონტის რწმუნებული ქუთაისში და მნიშვნელოვან როლს ასრულებდა მამისონის უღელტეხილის დამცველი ჯარის ნაწილების საომარი მასალითა და სურსათით მომარაგების დარგში; 1952 წლიდან მუშაობდა საქართველოს სსრ სოფლის მეურნეობის სამინისტროს გადასახლება-დასახლების სამმართველოს უფროსად; შემდგომ იყო საქართველოს სსრ სოფლის მეურნეობის პროდუქტების წარმოებისა და დამზადების განყოფილების გამგე; 1946 და 1950 წლებში არჩეულ იქნა სსრ კავშირის უმაღლესი საბჭოს ეროვნებათა საბჭოს დეპუტატად; თვალსაჩინო დამსახურება მიუძღვის საკავშირო მნიშვნელობის კურორტ წყალტუბოს მშენებლობისა და კეთილმოწყობის საქმეში; 1963 წლის 13 მარტს დაინიშნა საქართველოს სსრ დამზადების მინისტრად; დაჯილდოებულია სრულიად საკავშირო სასოფლო-სამეურნეო გამოფენის ოქროს მედლით.

წყარო: საქართველოს პარლამენტის ეროვნული ბიბლიოთეკა: "ივერიელი": dspace.nplg.gov.ge; dspace.nplg.gov.ge

• მშრომელთა დეპუტატების ქუთაისის საქალაქო საბჭო, დეპუტატი, აღმასრულებელი კომიტეტი
• საკავშირო კომუნისტური პარტია (ბ), წევრი (1929-1963)
• საქართველოს კომუნისტური პარტიის (ბ) ცენტრალური კომიტეტი, წევრი

• მედალი "1941-1945 წლებში დიდ სამამულო ომში გერმანიაზე გამარჯვებისთვის"
• მედალი "1941-1945 წლებში დიდ სამამულო ომში მამაცური შრომისთვის"
• მედალი "კავკასიის დაცვისთვის"
• საპატიო ნიშნის ორდენი
• შრომის წითელი დროშის ორდენი
• ლენინის ორდენი