პორფილე ლომჯარია

დაბადების ადგილი: სოფელი ჭანიეთი, ოზურგეთის რაიონი.

მუშაობდა ბათუმში, როტშილდის ქარხანაში. 1901 წლის 31 დეკემბერს მოაწყო ბათუმის საწარმოების მოწინავე მუშების შეკრება, სადაც სტალინის ხელმძღვანელობით ჩამოყალიბდა სოციალ-დემოკრატიული ორგანიზაცია. მონაწილეობდა 1902 წლის მარტის პოლიტიკურ დემონსტრაციაში. შემდეგ საცხოვრებლად გადავიდა გურიაში, სადაც ავრცელებდა პროკლამაციებს, გლეხებს მოუწოდებდა თვითმპყრობლობის და მემამულეთა წინააღმდეგ საბრძოლველად, ბათუმში არალეგალურად ასრულებდა სტალინის დავალებებს. აქტიურად მონაწილეობდა 1905 წლის რევოლუციაში. გასაბჭოების შემდეგ ჩართული იყო კოლმეურნეობის კულტურულ-საზოგადოებრივ საქმიანობაში.

წყარო: ქართველ მოღვაწეთა ლექსიკონი, 1801-1952: ტ. II ე-ლ / იოსებ იმედაშვილი.-თბ.,2021.-გვ.848