ნინო ჩიტაიშვილი

დაბადების ადგილი: ქ. თბილისი.

დაამთავრა თბილისის სამხატვრო აკადემია თეატრის მხატვრის სპეციალობით 1989 წელს. 

როგორც სცენოგრაფმა და კოსტიუმების მხატვარმა გააფორმა  50-ზე მეტი სპექტაკლი საქართველოში და საზღვარგარეთ:  თბილისის ვერის უბნის ბავშვთა, კოტე მარჯანიშვილის, მ. თუმანიშვილის, ოპერის და ბალეტის, მოზარდ მაყურებელთა თეატრებში, თეატრალურ სარდაფში, ქუთაისის, თელავის დრამატულ თეატრებში, ჰააგის თეატრალური კომპანიაში "მიმესისი"/Mimesis/, ლაიფციგის ახალგაზრდულ თეატრში. მათ შორის აღსანიშნავია გ. ჰაუპტმანის "მშვიდობის დღესასწაული", აგატა კრისტის "ხაფანგი", მ. კუჭუხიძის "ყბედი თუთიყუში", რ. ერისთავის "ჯერ დაიხოცნენ მერე იქორწინეს", ლ. პირანდელოს  "ავტორის მაძიებელი ექვსი პერსონაჟი", გარსია ლორკას "მარიანა პინედა", გ. ალექსიძის "დრამატული ბალეტები", მ. მეტერლინკის "ნიშნობა", ბ. შოუს "პიგმალიონი", ა. ჩეხოვის "ალუბლის ბაღი", კ. გოლდონის "ჭორიკანა ქალები" და სხვა; შექმნილი აქვს კოსტიუმების ესკიზები ანსამბლ "რუსთავისთვის"; შესრულებული აქვს ილუსტრაციები ქარჩხაძის გამომცემლობის წიგნებისთვის "საბავშვო ვეფხისტყაოსანი", "ქართული ჯადოსნური ზღაპრები"; სხვადასხვა წლებში ჰქონდა 5 პერსონალური გამოფენა; ასევე მიღებული აქვს  მონაწილეობა სხვადასხვა თემატურ გამოფენებში. მათ შორის: "ქართული სახვითი შექსპირიანა",  ეთნომოდის ფესტივალი MedModa იტალია 2005 - კოსტიუმების კოლექციით "მშვენიერი ქართველი ქალი", Fest I Nova 2010 არტ ვილა გარიყულა, ქართული თეატრისა და კინოს მხატვრობის რეტროსპექტივა პარიზში 2011, პრაღის კვადრიენალე 2015; ასწავლიდა თბილისის სამხატვრო აკადემიაში (2006-2008) და ილიას სახელმწიფო უნივერსიტეტში (2009-2013); ნამუშევრები დაცულია საქართველოს, ინგლისის, ნიდერლანდების, აშშ და სხვა კერძო კოლექციებში. ბიოგრაფია შეტანილია ცნობარში "ვინ ვინაა თანამედროვე ქართულ ხელოვნებაში 2000"(გვ.511).

წყარო: ახალი და უახლესი ქართული ვიზუალური ხელოვნების პორტალი Art.Gov.Ge: art.gov.ge

• საქართველოს მხატვართა კავშირის , წევრი (1997-)

• 2020 - იაკობ გოგებაშვილის სახელობის პრემია, საუკეთესო ილუსტრირებული წიგნი (საქართველოს მწერალთა კავშირი)
  ჩემი პირველი ვეფხისტყაოსანი

• ჩემი პირველი ვეფხისტყაოსანი (ილუსტრატორი). - თბილისი, ქარჩხაძის გამომცემლობა, 2019. - 12გვ.
• ქართული ჯადოსნური ზღაპრები (ილუსტრატორი). - თბილისი, ქარჩხაძის გამომცემლობა, 2015. - 200გვ.. - ISBN: 9789941452062
• საბავშვო ვეფხისტყაოსანი (ილუსტრატორი). - თბილისი, ქარჩხაძის გამომცემლობა, 2013. - 192გვ.. - ISBN: 9789994034864

• ელ.ფოსტა:
  ვებ საიტი:	https://www.instagram.com/ninochitaishviliart