ევსევი ლოსაბერიძე

დაბადების ადგილი: სოფელ ქვაციხე, ჭიათურის რაიონი.

დაამთავრა იურიევის (ტარტუს) უნივერსიტეტის სამედიცინო ფაკულტეტი 1907 წელს.

სხვადასხვა დროს მუშაობდა ქუთაისის წმინდა ნინოს ქალთა გიმნაზიაში პედაგოგად, ჭიათურაში საავადმყოფოს ექიმად, ქუთაისის მაზრის ჯანდაცვის განყოფილების გამგედ. იყო ქუთაისის სამედიცინო სამეცნიერო საზოგადოების თავმჯდომარე, სამედიცინო ცოდნის და სანიტარული განათლების აქტიური პოპულარიზატორი მთელ დასავლეთ საქართველოში. ოქსფორდის უნივერსიტეტის ბოდლიანის ბიბლიოთეკის აღმოსავლეთის მიმართულების ხელმძღვანელმა ჯილიან ევისონმა 1907 წელს შედგენილი რუსეთის საწინააღმდეგო პეტიციის ხელმომწერების ნუსხის ნაწილი გამოაქვეყნა. "ქართველი ხალხის პეტიცია" 1907 წელს ჰააგის საერთაშორისო კონფერენციაზე გაგზავნეს. პეტიციის დედანსა და ხელმომწერთა ჩამონათვალს გაერთიანებულ სამეფოში, ოქსფორდის უნივერსიტეტის ბოდლიანის ბიბლიოთეკის უორდროპების კოლექციაში მიაგნეს, ამ სიის ერთ-ერთი ხელისმომწერია ევსევი ლორთქიფანიძე.

წყარო: ქართველ მოღვაწეთა ლექსიკონი, 1801-1952: ტ. II ე-ლ / იოსებ იმედაშვილი.-თბ.,2021.-გვ.882; გაზეთ  "ბათუმელების" ქართულენოვანი ახალი ამბების ვებ გვერდი: netgazeti.ge; society.iliauni.edu.ge

• ქართველთა შორის წერა-კითხვის გამავრცელებელი საზოგადოების ტუაფსეს განყოფილება, ნამდვილი წევრი
• ქუთაისის სამედიცინო სამეცნიერო საზოგადოება, თავმჯდომარე

• სახალხო ჯანმრთელობის დაცვის ახალი სისტემა დისპანსერიზაცია და მთლიანი დისპანსერი (ავტორი). - ქუთაისი, ქუთ. ჯანგანყოფილების გა-მა, 1931. - 18გვ.
• გრიპი (ინფლუენცა, "ისპანკა") : რეპრესირებული გამოცემა (ავტორი). - ქუთაისი, ქუთ. სამაღმასკ. ჯანმრთ. განყოფ. გამოც., 1927. - 19გვ.
• საექიმო მეცნიერების ქართულ-რუსული და რუსულ-ქართული ლექსიკონი : მასალები საექიმო და საბუნებისმეტყველო ტერმინოლოგიისათვის (შემდგენელი). - ქუთაისი, გამოც. "განათლების" ამხ-ბისა, (ქართ. შორის წ.-კ გამავრც. საზ-ბის სტ.), 1919. - 80გვ.
• ანატომია და ფიზიოლოგია ჰიგიენით (ავტორი) // ნაწ.1 : საშუალო სასწავლებლის კურსი. რეალური სასწავლებლის პროგრამის მიხედვით / შედგენილი ქუთაისის წმ. ნინოს ქალთა სასწავლ. მასწავლ. ექიმ ევსევი გიორგის ძის ლოსაბერიძის მიერ. - ქუთაისი, მთავრიშვილის ამხანაგობის გამოცემა, 1919. - 103გვ.