ავთანდილ ყურაშვილი

დაბადების ადგილი: ქ. ქუთაისი.

დაამთავრა თბილისის პოლიტექნიკური ტექნიკუმი 1961 წელს; ქუთაისის პედაგოგიური ინსტიტუტი 1971 წელს.

წლების განმავლობაში მუშაობდა მშენებლობაზე, საავტომობილო და სატრაქტორო ქარხნებში, სკოლაში – მასწავლებლად, გაზეთის რედაქციაში, საჯარო ბიბლიოთეკაში, ქალაქის აღმასკომის კულტურის განყოფილებაში. 1975 წელს, ქუთაისში "განთიადის" გამოსვლასთან დაკავშირებით, დაინიშნა ჟურნალის პასუხისმგებელ მდივნად; 1988 წლიდან მთავარი რედაქტორის მოადგილეა, 1992 წელს კი ამავე ჟურნალის მთავარი რედაქტორი გახდა. წლების განმავლობაში ხელმძღვანელობდა რუსთაველის საზოგადოების ქუთაისის განყოფილებას; მისი პირველი ლექსები გამოქვეყნდა 1961 წელს გაზეთ "ქუთაისში". გამოცემული აქვს კრებულები: "სინათლის ნაპირი" (1976), "გამოჩნდა მიწა", "რკინის ყვავილები", "მარად და მარად", "ნობი", "სიზმარ-ბალადა", "ხატ-პეპელა", "აქ, ამ სამოთხეში", "სიკვდილი სინათლეა". თარგმნილი აქვს ბაირონი, ბლოკის, მაიაკოვსკის, შინქუბას პოეზიის ნიმუშები. გამოიცა, აგრეთვე, მისი არაერთი მოთხრობა, რომანი – "ცდომილთა დღესასწაული", თარგმნა რუსი მწერლის ვლადიმირ უსპენსკის ხუთწიგნიანი რომანი "ბელადის საიდუმლო მრჩეველი", ელვირა გორიუხინას აფხაზეთის ომის თემაზე შექმნილი წიგნი "ნუ დაგვაშორებ ჩვენ ღმერთო, ნუ დაგვაშორებ". ცხოვრობს და მოღვაწეობს ქუთაისში.

წყარო: ქართველი პოეტები : ენციკლოპედია / შეადგინა ალექსანდრე ელერდაშვილმა.- თბ.,2021.-გვ.332-333

• აიცა-ბაიცა : საბავშვო ლექსები და პოემები (ავტორი). - ქუთაისი, მოწამეთა, 2018. - 124გვ.. - ISBN: 9789941938474
• თხზულებანი : 3 ტომად (ავტორი) // ტ. 2, ცდომილთა დღესასწაული : რომანი. - ქუთაისი, საგამომცემლო ცენტრი, 2013. - 352გვ.. - ISBN: 9789941061394
• თხზულებანი : 3 ტომად (ავტორი) // ტ.1, პოეზია. - ქუთაისი, საგამომცემლო ცენტრი, 2013. - 384გვ.. - ISBN: 9789941061387
• აქ, ამ სამოთხეში : ლექსები, პოემა (ავტორი). - ქუთაისი, საბჭოთა საქართველო, ქუთაისის ფილიალი, 1989. - 157გვ.
• ცდომილთა დღესასწაული : რომანი (ავტორი). - ქუთაისი, საბჭ. საქართველო, ქუთაისის ფილიალი, 1986. - 330გვ.