ივანე კოკოჩაშვილი

ივანე იყო ქუთაისში მოღვაწე აფთიაქარისა და მრეწველის, პეტრე-პავლე კოკოჩაშვილის ერთ-ერთი ვაჟი. მას დამთავრებული ჰქონდა მოსკოვის საიმპერატორო უნივერსიტეტი (მოსკოვის სახელმწიფო უნივერსიტეტი) ფარმაცევტის სპეციალობით (რაზედაც მოწმობს უნივერსიტეტის სახელობითი ოქროს ჟეტონი, გაცემული1889-1893 წწ.) ივანე, ნიჭიერი და განათლებული ახალგაზრდა, ქუთაისში კარგად უძღვებოდა თავის საქმეს, ოჯახის სხვა წევრებთან ერთად იგი წარმატებული პროვიზორი იყო. ახლობელთა მოგონებებით, ივანეს ძალიან ჰყვარებია სხვადასხვა ქვეყანაში მოგზაურობა, უცხო მხარეების მონახულება, იქაური ცხოვრების გაცნობა. იგი 1910 წელს გულის მწვავე შეტევით მოულოდნელად გარდაიცვალა (იმ პერიოდში ქუთაისშიც გრძელდებოდა 1905-1907 წლების რევოლუციების შემდგომი რეპრესიები ინტელიგენციისა და საქმიანი მოქალაქეების მიმართ, რამაც, სამწუხაროდ, ბევრი უდანაშაულო ადამიანის სიცოცხლე შეიწირა). ვიქტორ, მიხეილ და ლეონარდო კოკოჩაშვილების მამა, პეტრე-პავლე კოკოჩაშვილების შვილი. პროვიზორი, ფარმაცევტი.

წყარო: ვიქტორ კოკოჩაშვილი : მეცნიერი, პედაგოგი, პიროვნება /ჟუჟუნა ფეიქრიშვილი.-თბ., 2022.- "უნივერსალი" გვ. 21-22 (dspace.nplg.gov.ge);  ქართველი კათოლიკე ექიმები, ნაწ.1. -თბ., 2024. - გვ.49-50