მირონ თავბერიძე

დაბადების ადგილი: სოფელი ზენობანი, ჩოხატაურის რაიონი.

დაამთავრა მ. კალინინის სახელობის ლენინგრადის პოლიტექნიკური ინსტიტუტი ინჟინერ-ელექტრიკოსის კვალიფიკაციით.

ინსტიტუტში სწავლის პერიოდში მუშაობდა სხვადასხვა მშენებლობებზე, ქარხნებში. ინსტიტუტის დამთავრების შემდეგ სსრკ მძიმე მრეწველობის სახალხო კომისარიატის გადაწყვეტილებით მუშაობა დაიწყო "საქენერგოში", სადაც 1944 წლამდე იმუშავა შემდეგ თანამდებობებზე: დისპეტჩერი, მორიგე ინჟინერი, საამქროს უფროსი, ზაჰესის მეორე რიგის მშენებლობის უფროსი, "საქენერგოს" ქსელების სამმართველოს მთავარი ინჟინრის მოადგილე. 1944-1948წწ. მუშაობდა "საქქსელმშენის" (შემდგომ წლებში - "კავკასელექტროქსელმშენი") უფროსად, სადაც ჩაატარა დიდი მოცულობის ორგანიზატორული სამუშაო ქვეყენაში ქსელების მშენებლობის ხაზით. 1949 წელს სსრკ ენერგეტიკისა და ელექტრიფიკაციის სამინისტროს მიერ გაიგზავნა ყირიმისა და როსტოვის ოლქების ელექტროქსელების მშენებლობაზე. 1948 წელს დაინიშნა ტრესტ "სამხრეთელექტროქსელმშენის" (ქ. დონეცკი) მთავარ ინჟინრად; 1960 წელს პირადი თხოვნით გადმოყვანილ იქნა საქართველოში ტრესტ "კავკასელექტროქსელმშენში", სადაც 1961 წლამდე იმუშავა. მიღებული აქვს სახელმწიფო ჯილდოები.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.140

• 1957 - შრომის წითელი დროშის ორდენი
• 1951 - საქართველოს დამსახურებული რაციონალიზატორი