ომარ თვალჭრელიძე

დაბადების ადგილი: ამბროლაურის რაიონი.

დაამთავრა ბაუმანის სახელობის მოსკოვის უმაღლესი ტექნიკური სასწავლებელი ტურბინათმშენებლობის სპეციალობით.

მუშაობა დაიწყო საკავშირო ტრესტ "კავკასენერგომონტაჟ"-ში, ქ. ბაქო; 1965-1967წწ. მუშაობდა ქ. კრასნოვოდსკში (თურქმენეთი) ტურბინების მონტაჟის ოსტატად; 1967-1968წწ. - თბილსრესის მე-4 ენერგობლოკის ტურბინის მონტაჟის მწარმოებლად; 1968 წლიდან - ტრესტ "კავკაზენერგომონტაჟის" საქართველოს სამონტაჟო სამმართველოს უფროსად; 1968-1982წწ. ხელმძღვანელობდა "თბილსრესის" მე-5, მე-8 ენერგობლოკებისა და "ტყვარჩელსრესის" 110 მვტ ენერგობლოკების მონტაჟს. 1979 წელს მონაწილეობდა სომხეთის ატომური ელექტროსადგურის მე-2 ენერგობლოკის მშენებლობაში; 1985-1992წწ. ხელმძღვანელობდა "თბილსრესის" მე-9 და მე-10 300 მვტ ენერგობლოკების მონტაჟს; 1992 წლიდან მუშაობდა ენერგოობიექტების რეაბილიტაციის პროექტებზე. დაჯილდოებულია საქართველოს რესპუბლიკის და აფხაზეთის ავტონომიური რესპუბლიკის უმაღლესი საბჭოს პრეზიდიუმის საპატიო სეგელებით.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.145-146