ბაგრატ კაპანაძე

დაბადების ადგილი: ქ. სოხუმი.

1974 -1976 წწ. სწავლობდა თბილისის სახელმწიფო უნივერსიტეტში მექანიკა-მათემატიკის ფაკულტეტზე; დაამთავრა სოხუმის სასოფლო-სამეურნეო ინსტიტუტი ბიოტექნოლოგიის მიმართულებით 1979 წელს.

1982 წლიდან დაიწყო მუშაობა სოხუმის მემცენარეობის კვლევით ინსტიტუტში უმცროსი მეცნიერ-თანამშრომლის თანამდებობაზე; 1985 წლიდან განაგრძო დოქტორანტურა რუსეთის მეცნიერების აკადემიის ზოგადი გენეტიკის ინსტიტუტში; 1990-1992 წწ. მუშაობდა მოსკოვის გენეტიკისა და სამრეწველო მიკროორგანიზმების ინსტიტუტში; 1992- 1993 წწ. მოსკოვის სახელმწიფო უნივერსიტეტის ვირუსოლოგიის განყოფილებაში უმცროსი მეცნიერ-მუშაკის თანამდებობაზე; 1993-1997 წწ. იყო მთავარი მეცნიერი-თანამშრომელი რუსეთის მეცნიერებათა აკადემიის ზოგადი გენეტიკის ინსტიტუტში; 1997-2001 წწ. შვედეთის კაროლინსკის ინსტიტუტის ონკოლოგიური სამეცნიერო კვლევითი განყოფილების მოწვეული მკვლევარი; 2001-2003 წწ. მუშაობდა მოწვეულ მკვლევრად შვედეთის ინფექციურ დაავადებათა კონტროლის ინსტიტუტის ბაქტერიოლოგიის განყოფილებაში; 2004-2010 წწ. აშშ-ს სამხრეთ კაროლინის სამედიცინო უნივერსიტეტის რევმატოლოგიის და იმუნოლოგიის განყოფილებაში მეცნიერ-თანამშრომლად. არის მთელი რიგი კვლევითი ნაშრომების თანაავტორი. სამეცნიერო ხარისხი დაიცვა მოლეკულარულ ბიოლოგიაში ვავილოვის სახელობის საერთო გენეტიკის ინსტიტუტში. გენეტიკის მეცნიერებათა დოქტორის, პროფესორ სოსო (იოსებ) კაპანაძის შვილი.

სადისერტაციო თემა - "ადამიანის მე 13-ე ქრომოსომის შესწავლა, ქრომოსომ-სპეციფიკური კოსმიდების ბიბლიოთეკის ანალიზი და მათში განსხვავებული სახეობების განმეორებითი მიმდევრობების განლაგება", დაიცვა 1996 წელს.