დოდო იმნაძე

დაბადების ადგილი: ქ. ბათუმი.

დაამთავრა საქართველოს პოლიტექნიკური ინსტიტუტის ენერგეტიკის ფაკულტეტი ინჟინერ-მექანიკოსის კვალიფიკაციით 1959 წელს.

1959-1963წწ. მუშაობდა თბილისის ხელსაწყოთა მშენებლობისა და ავტომატიზაციის საშუალებათა სამეცნიერო-კვლევით ინსტიტუტში ლაბორანტად, შემდეგ ინჟინრად. 1972 წლიდან - ტექნიკურ მეცნიერებათა კანდიდატი. 1975-1982წწ. მუშაობდა სასოფლო-სამეურნეო ინსტიტუტის სოფლის მეურნეობის ელექტრიფიკაციის კათედრის ასისტენტად, უფროს მასწავლებლად, 1982 წლიდან - დოცენტად; 1996 წლიდან გარდაცვალებამდე იყო ელექტრული ენერგიის გამოყენების კათედრის გამგე. 1998 წელს მიენიჭა პროფესორის წოდება. კითხულობდა ლექციებს "ელექტროტექნოლოგიასა" და "კომპლექსური ელექტრიფიკაციის საფუძვლებში" სოფლის მეურნეობის ელექტრიფიკაციის სპეციალობის სტუდენტებისათვის. არის 38 სამეცნიერო და მეთოდური ხასიათის შრომების ავტორი, მათ შორის, ერთი სახელმძღვანელოსი. არჩეული იყო საქართველოს სასოფლო-სამეურნეო ინსტიტუტის ქალთა საბჭოს თავმჯდომარედ, ფაკულტეტის პროფესიული ბიუროს თავმჯდომარედ, სახალხო სასამართლოს მსაჯულად.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.153

• ღირსების მედალი

• სოფლის მეურნეობის წარმოების ელექტრიფიკაციის სისტემების დაპროექტება : დამხმ. სახელმძღვ. სოფლის მეურნ. ელექტრ. სპეც სტუდ. (ავტორი). - თბილისი, საქ. აგრარ. უნ-ტი, 1992. - 96გვ.. - ISBN: 5812000433
• სოფლის მეურნეობის კომპლექსური ელექტრიფიკაციის დაპროექტება : მეთოდ. მითითებები საკურსო პროექტის შესადგენად 1510-სოფლის მეურნეობის ელექტრიფიკაციის სპეც. სტუდ. (შემდგენელი). - თბილისი, საქ. სას.-სამ. ინ-ტი , 1988. - 75გვ.
• სოფლის მეურნეობის ელექტრომომარაგება : მეთოდ. მითითებები საკურსო პროექტის შესასრულებლად 1510 სოფლის მეურნეობის ელექტრიფიკაციის სპეც. სტუდ. (რედაქტორი). - თბილისი, 1988. - 74გვ.