თინა ბულუსაშვილი

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1964 წელს; აკად. გრ მუხაძის სახელობის ჰემატოლოგიისა და ტრანსფუზიოლოგიის სამეცნიერო კვლევითი ინსტიტუტის ასპირანტურა.
1969 წელს დაიცვა საკანდიდატო დისერტაცია და გააგრძელა მუშაობა ამავე ინსტიტუტში ჯერ უმცროს, შემდეგ უფროს და 1974 წლიდან წამყვან მეცნიერ თანამშრომლად; 1992-2021წწ. მუშაობდა ქ. თბილისის იაშვილის სახელობის ბავშვთა ცენტრალური საავადმყოფო განყოფილებაში; ამ პერიოდში მივლინებულ იყო სამუშაო ადგილზე ქ. მინსკის ონკო-ჰემატოლოგიურ ცენტრში და ქ. ფრანქფურტში გოეთეს სახელობის საუნივერსიტეტო კლინიკის ჰემატოლოგიურ განყოფილებაში, რათა შემდგომში მათი მუშაობის სტილი დანერგილიყო ჩვენს კლინიკებში. არის 70-მდე სამეცნიერო ნაშრომის და 3 გამოგონების ავტორი, რომელიც ეხება ჰემატოლოგიისა და ტრანსფუზიოლოგიის თანამედროვე თეორიულ და პრაქტიკულ საკითხებს; ასევე არის 2 ბროშურის თაანავტორი, რომლებიც ეხება ლეიკემიის ფსიქოლოგიურ ასპექტს  ბავშვებში ონკო-ჰემატოლოგიური პრობლემებით; 2 საკანდიდატო დისერტაციის თანახელმძღვანელი; მონაწილეობდა ყველა საკავშირო და რესპუბლიკური მნიშვნელობის ჰემატოლოგიურ-ტრანსფუზიოლოგიურ კონფერენცია-სემინარებში. 2010 წელს "უდიდესი აღიარებისთვის მიენიჭა სიგელი სისხლდენით დაავადებულ ავადმყოფთა სიცოცხლისა და ჯანმრთელობის მაღალი საექიმო დახმარების აღმოჩენისათვის"; მიღებული აქვს მადლობის არაერთი სიგელი პოლ ნიუმენის მიერ დაარსებული ბარეტსტაუნის (ირლანდია) ბანაკთან აქტიური თანამშრომლობისთვის, სადაც 2 კვირის განმავლობაში უსასყიდლოდ გადიან ფსიქოლოგიურ რეაბილიტიაციას, როგორც ონკო-ჰემატოლოგიური პროფილის, ასევე სხვადასხვა მძიმე პათოლოგიით დაავადებული პაციენტები მსოფლიოს მასშტაბით. მედიცინის დოქტორი.