იმედი ჯახუა

დაბადების ადგილი: ქ. თბილისი.

სწავლობდა თბილისის სახელმწიფო უნივერსიტეტის მათემატიკის ფაკულტეტზე. უნივერსიტეტში სწავლისას მოუსწრო საქართველოს ეროვნულ-განმათავისუფლებელი მოძრაობის აღზევებამ და ის დადგა მერაბ კოსტავასა და ეროვნული მოძრაობის სხვა ლიდერთა გვერდით. რის გამოც გარიცხეს უნივერსიტეტის უკანასკნელი დამამთავრებელი კურსიდან.

იგი წლების განმავლობაში ეწეოდა პედაგოგიურ მოღვაწეობას საშუალო სკოლებში, მუშაობდა გამომცემლობაში  რედაქტორად, საქართველოს დემოგრაფიულ საზოგადოებაში კოორდინატორად; მისი ლიტერატურული ნათლობა 1964 წელს შედგა, როდესაც ჟურნალ "პიონერში" გამოქვეყნდა მისი პირველი ლექსი "სადღეგრძელო". მას შემდეგ მისი ლექსები სისტემატურად იბეჭდებოდა სალიტერატურო პერიოდიკაში, გამოდიოდა ცალკე წიგნებად. მისი პოეტური კრებულებია:  "გულის გალავანი", "კვლავაც მაღლდება", "ფიქრთაცვენა", "ჭყონდიდური გვირგვინი", "მინაწერი ცადსაფრენ წერლებზე", "სიყვარულის საუკუნე".

წყარო: ქართველი პოეტები : ენციკლოპედია / შეადგინა ალექსანდრე ელერდაშვილმა.- თბ.,2021.-გვ.414; armuri.georgianforum.com

• ტერენტი გრანელის სახელობის პრემია

• ჭყონდიდური გვირგვინი : ლექსები (ავტორი). - თბილისი, დიდგორის დროშა, 2004. - 48გვ.
• ფიქრთაცვენა : ლექსები (ავტორი). - თბილისი, მერანი, 1989. - 110გვ.
• კვლავაც მაღლდება : ლექსები (ავტორი). - თბილისი, ნაკადული, 1984. - 38გვ.
• გულის გალავანი : ლექსები (ავტორი). - თბილისი, მერანი, 1982. - 46გვ.