ბიძინა გუნია (დეკანოზი )

დაბადების ადგილი: ქ. თბილისი.                         
დაამთავრა საქართველოს პოლიტექნიკურ ინსტიტუტის სამშენებლო ფაკულტეტი 1978 წელს. 

2011 წელს მიენიჭა თსუ-ს ფილოლოგიის დოქტორის აკადემიური ხარისხი (თემა: "საპასექო გამოთვლები "მცხეთის დავითნის" A-38 ხელნაწერის მიხედვით"); 2013 წელს მიენიჭა თეოლოგიის დოქტორის აკადემიური ხარისხი (თემა: "წელიწადის ცნების თეოლოგიური ასპექტები და საეკლესიო კალენდრის მოდელირების საკითხი"); 2013 წელს აირჩიეს თბილისის სასულიერო აკადემიისა და სემინარიის პროფესორად; 2013 წლიდან არის თბილისის სასულიერო აკადემიის სადისერტაციო საბჭოს სწავლული მდივანი.

საეკლესიო მორჩილებები: 1990-1992წწ. იყო სტიქაროსანი და მედავითნე თბილისის კლდის უბნის წმ. გიორგის სახ. ეკლესიაში; 1991-1994წწ. სეფისკვერების მცხობელი თბილისის სასულიერო აკადემიაში; 1993-1998წწ. ვაჟ მგალობელთა გუნდის რეგენტი თბილისში ჩუღურეთში მდებარე წმ. ნიკოლოზის სახ. ტაძარში; 1992-2002წწ. თბილისის სიონის საკათედრო ტაძრის მედავითნე.

ხელდასხმა, სასულიერო ხარისხი და დაჯილდოება: 2002 წლის 17 თებერვალს ხელდასხმულ იქნა დიაკვნად; 2002 წლის 22 დეკემბერს ხელდასხმულ იქნა მღვდლად; 2006 წელს დაჯილდოვდა ოქროს ჯვრის ტარების უფლებით და აყვანილ იქნა დეკანოზის ხარისხში; 2008 წლის 15 ოქტომბერს დაჯილდოვდა გამშვენებული ჯვრითა და მიტრის ტარების უფლებით; 2008 წლის 9 დეკემბერს დაჯილდოვდა მეორე გამშვენებული ჯვრის ტარების უფლებით.

სატაძრო მსახურება: 2002 წლის 17 თებერვლიდან 8 დეკემბრამდე თბილისის  სიონის საკათედრო ტაძრის დიაკონია; 2002-2003წწ. თბილისის ღვთისმშობლის ტაძრად მიყვანების ეკლესიის მღვდელმსახური; 2003-2008წწ. სოლოლაკში მდებარე ამღლების ტაძრის წინამძღვარი; 2008-2010წწ. თბილისის ქვაშვეთის წმ. გიორგის სახ. ტაძრის წინამძღვარი; 2010-2012წწ. თბილისის წმ. სამების ლავრის მღვდელმსახური; 2012 წლიდან თბილისის წმ. ალექსანდრე ნეველის სახ. ტაძრის წინამძღვარი.

საგანმანათლებლო დატვირთვა: 1994 წლიდან ლიტურგიკის ლექტორი თბილისის სასულიერო აკადემიისა და სემინარიაში; 1994 წლიდან მედავითნეობის შემსწავლელი ჯგუფის ხელმძღვანელი; 1997-2006წწ. ლიტურგიკის ლექტორი თბილისის სახელმწიფო უნივერსიტეტის ფილოსოფიის ფაკულტეტის თეოლოგიის სპეციალობაზე; 2001-2003წწ. საქართველოს ტექნიკური უნივერსიტეტის თეოლოგიის კათედრის ლექტორი; 2008-2015

წწ. სოხუმის სახ. უნივერსიტეტის თეოლოგიის სამაგისტრო პროგრამის ხელმძღვანელი.

არასაგანმანათლებლო დატვირთვა: 2010 წლიდან საქართველოს საპატრიარქოს წმ. მეფე დავით აღმაშენებლის სახ. განათლების ცენტრის საპატრიარქოს სკოლებთან ურთიერთობის კოორდინატორი; 2022 წლიდან საქართველოს საპატრიარქოსთან არსებული ახალგაზრდობის სულიერი და ინტელექტუალური განვითარების ცენტრის თავმჯდომარის მოადგილე; სამეცნიერო კვლევის სფეროები: ლიტურგიკა, ლიტურგიკული ღვთისმეტყველება, საეკლესიო კალენდარი, პასქალიონი, საღმრთისმსახურო ტიპიკონები. ამ სფეროებში გამოქვეყნებული აქვს ნაშრომები და პუბლიკაციები.

• გელათის მეცნიერებათა აკადემია, აკადემიკოსი (2012-)

• ლიტურგიკული კრებული : მოკლე საცნობარო კურსი : ლიტურგიკით დაინტერესებულ პირთათვის (შემდგენელი) // № 3. - თბილისი, 2019. - 198გვ.
• წელიწადის ცნების თეოლოგიური ასპექტები და საეკლესიო კალენდრის მოდელირების საკითხი = Теологические аспекты понятия года и вопрос моделирования церковного календаря = Teological aspects of the concept of a year and issue of modeling of ecclesiastic calendar (ავტორი). - თბილისი, 2012. - 116გვ.
• იულიუსის კალენდრის საკითხისათვის (ავტორი). - თბილისი, 2007. - 116გვ.