ჯემალ ჯინჯიხაძე

დაბადების ადგილი: სოფელი ზედაეწერი, ზუგდიდის რაიონი.

დაამთავრა ა. მ. გორკის სახელობის სოხუმის სახელმწიფო პედაგოგიური ინსტიტუტის ფიზიკა–მათემატიკის ფაკულტეტი 1964 წელს.

სხვადასხვა დროს მუშაობდა სოხუმის რაიონის საშუალო სკოლებში მასწავლებლად. 1971-1974წწ. იყო აფხაზეთის მასწავლებელთა დახელოვნების ინსტიტუტის მათემატიკის მეთოდკაბინეტის გამგე; 1981-1989წწ. აფხაზეთის სახელმწიფო უნივერსიტეტის საზოგადოებრივ პროფესიათა ფაკულტეტის დეკანი; 1989-2005წწ. თსუ სოხუმის ფილიალის პედაგოგიური ფაკულტეტის დეკანი; 1989-2006წწ. თსუ სოხუმის ფილიალის დაწყებითი სწავლების პედაგოგიკისა და მეთოდიკის კათედრის გამგე; 2006-2008 წწ. სოხუმის სახელმწიფო უნივევრსიტეტის პედაგოგიური ფაკულტეტის სასწავლო პროცესის ხელმძღვანელი; იკვლევს მათემატიკის დაწყებითი კურსის მეცნიერული საფუძვლების, მისი სწავლების მეთოდიკისა და ტექნოლოგიის, ტიპოლოგიურ-ენათმეცნიერული ნუმერალისტიკისა და თეორიული ენათმეცნიერების, უძველესი მათემატიკის ისტორიის, ჰუმანისტური პედაგოგიკის, სწავლებისა და აღზრდის ფსიქოლოგიის, პედაგოგიკისა და განათლების ისტორიის, რელიგიისა და მეცნიერების ურთიერთმიმართების აქტუალურ პრობლემებს. მის სახელმძღვანელოებზე ქართველ მასწავლებელთა მრავალი თაობა აღიზარდა. არის მათემატიკის მეთოდისტი, მათემატიკის ისტორიკოსი, ენათმეცნიერი, ლექსიკოგრაფი, მათემატიკის ისტორიკოსი, ფილოლოგიის მეცნიერებათა კანდიდატი (1988), პედაგოგიკურ მეცნიერებათა დოქტორი (1994), პროფესორი (1995), ომის ვეტერანი. 60-ზე მეტი წიგნისა და 200-ზე მეტი სტატიის ავტორი. გარდა ამისა, წერს ლექსებს და გამოქვეყნებული აქვს ოთხი სქელტანიანი პოეტური კრებული. მიღებული აქვს მთავრობის საპატიო სიგელები 1997, 2010, 2015, 2016, 2018 წლებში.

საკანდიდატო დისერტაციის თემა ისტორიულ-შედარებით და ტიპოლოგიურ ენათმეცნიერებაში - "ექვსობითი თვლის შესახებ მსოფლიო ენების აწმყოსა და წარსულში", დაიცვა 1988 წელს; სადოქტორო დისერტაციის თემა მათემატიკის სწავლების მეთოდიკაში - "მათემატიკის სწავლების მეთოდიკა დაწყებით სკოლაში", დაიცვა 1994 წელს.

წყარო: ქართველი პოეტები : ენციკლოპედია / შეადგინა ალექსანდრე ელერდაშვილმა.- თბ.,2021.-გვ. 415-416; ჯემალ ჯინჯიხაძე : 50 წელი ერის სამსახურში / შემდგ.: რომანოზ დანელია, ლევან ჯინჯიხაძე, გიორგი ჯინჯიხაძე.-თბ.,2015.-გვ.352; მუდმივ ძიებაში : ჯემალ ჯინჯიხაძე / გიორგი ჯინჯიხაძე .-თბ.,2021.-გვ.415-416

• აფხაზეთის აკადემიის პრეზიდიუმი, წევრი (2015-)
• დიმიტრი უზნაძის სახელობის ფსიქოლოგიის ინსტიტუიტის სადისერტაციო საბჭო, წევრი (2005-2006)
• ილია ვეკუას სახელობის გამოყენებითი მათემატიკის ინსტიტუტის სადისერტაციო საბჭო, წევრი (2003-2006)
• ნიკო მუსხელიშვილის სახელობის გამოთვლითი მათემატიკის ინსტიტუტის სადისერტაციო საბჭო, წევრი (2005-2006)
• საქართველოს განათლების მეცნიერებათა აკადემია, აკადემიკოსი (1998-)
• საქართველოს განათლების მეცნიერებათა აკადემიის აფხაზეთის განყოფილება, ხელმძღვანელი (2007-)
• საქართველოს მეცნიერებათა აკადემია "აია", აკადემიკოსი (2010-)
• საქართველოს ტექნიკური უნივერსიტეტის სადისერტაციო საბჭო, წევრი (2005-2006)
• სულხან-საბა ორბელიანის სახელობის თბილისის სახელმწიფო პედაგოგიური უნივერსიტეტის სადისერტაციო საბჭო, წევრი (1999-2004)
• ფაზისის აკადემია, აკადემიკოსი (2000-)
• ქუთაისის აკ. წერეთლის სახელობის სახელმწიფო უნივერსიტეტის პედაგოგიურ ფაკულტეტთან არსებული სადისერტაციო საბჭო, წევრი, დოქტორანტების ხელმძღვანელი (2008-2018)
• ცხუმ-აფხაზეთის მეცნიერებათა აკადემია, აკადემია (2013-)

• 2013 - ღირსების ორდენი
• 2002 - ღირსების მედალი
• 1998 - გიორგი ლეონიძის სახელობის პრემია

• სასკოლო მათემატიკის სწავლების მეთოდიკა და ტერმინოლოგია : 2 ტომად (ავტორი) // ტომი 1 (პირველი საფეხური). - თბილისი, სამშობლო , 2022. - 480გვ.. - ISBN: 9789941979613
• სასკოლო მათემატიკის სწავლების მეთოდიკა და ტერმინოლოგია : მეთოდიკურ ამოცანათა კრებული (ავტორი). - თბილისი, სამშობლო, 2022. - 464გვ.. - ISBN: 9789941978494
• სასკოლო მათემატიკის სწავლების მეთოდიკა და ტერმინოლოგია : 2 ტომად (ავტორი) // ტომი 2 (პირველი საფეხური) . - თბილისი, სამშობლო, 2022. - 480გვ.. - ISBN: 9789941979637
• საშუალო სკოლაში მათემატიკის სწავლების მეთოდიკა : კერძო კურსი : მონოგრაფია (ავტორი). - თბილისი, მერიდიანი, 2020. - 472გვ.. - ISBN: 9789941257940
• საშუალო სკოლაში მათემატიკის სწავლების მეთოდიკა : ლექციების ზოგადი კურსი / ჯემალ ჯინჯიხაძე, გიორგი ჯინჯიხაძე (ავტორი). - თბილისი, მერიდიანი, 2020. - 446გვ.. - ISBN: 9789941257933
• ქართული წიგნის სამსახურში : რომანოზ დანელია (ავტორი). - თბილისი, უნივერსალი, 2019. - 108გვ.. - ISBN: 9789941264733
• მათემატიკა : ქართული ენისა და მათემატიკის ინტეგრაცია (თანაავტორი). - თბილისი, უნივერსალი, 2018. - 188გვ.. - ISBN: 9789941263514
• ფიქრები (ავტორი). - თბილისი, უნივერსალი, 2015. - 244გვ.. - ISBN: 9789941226212
• ლირიკა (ავტორი). - თბილისი, უნივერსალი, 2010. - 644გვ.. - ISBN: 9789941171062