ზურაბ ალექსიძე

დაბადების ადგილი: ქ. თბილისი.
დაამთავრა ივანე ჯავახიშვილის სახელობის თბილისის სახელმწიფო უნივერსიტეტის აღმოსავლეთმცოდნეობის ფაკულტეტი ფილოლოგიის სპეციალობით (სომხური ენა და ლიტერატურა) 1992 წელს; 1992-1993წწ. საქართველოს მეცნიერებათა აკადემია და ხელნაწერთა ინსტიტუტი, ასპირანტურა; 1993-1996წწ. ვატიკანის რომის პაპის აღმოსავლური ეკლესიების მეცნიერებათა ინსტიტუტი, აღმოსავლური ეკლესიების მეცნიერებათა მაგისტრატურა / ასპირანტურა; 2001 წელს  გავლილი აქვს ჰააგის კლინგენდაელის საერთაშორისო ურთიერთობების ინსტიტუტის პროგრამა ახალგაზრდა დიპლომატებისთვის; 2006 წელს გაიარა ჩინეთის სამთავრობო სემინარი აზიის ქვეყნების დიპლომატებისთვის.

1992-1993 მუშაობდა ივ. ჯავახიშვილის სახელობის თბილისის სახელმწიფო უნივერსიტეტის არმენოლოგიის კათედრაზე, მეცნიერ-თანამშრომელად; 1997-2000წწ. იყო სომხეთის რესპუბლიკაში საქართველოს საელჩოს მრჩეველი; 2000-2002წწ. საქართველოს საგარეო საქმეთა სამინისტროს მეორე ევროპული დეპარტამენტის დირექტორის მოადგილე; 2002-2005წწ. იტალიის რესპუბლიკაში საქართველოს საელჩოს და ქ. რომში განლაგებული საერთაშორისო ორგანიზაციებთან (FAO, IFAD,WFP) საქართველოს წარმომადგენლობის უფროსი მრჩეველი; 2005 წელს საქართველოს საგარეო საქმეთა სამინისტროს რეგიონული თანამშრომლობის დეპარტამენტის დირექტორი (სამხრეთ კავკასია, უკრაინა, დსთ და სუამი); 2005-2006წწ. საქართველოს საგარეო საქმეთა სამინისტრო, საგანგებო დავალებათა ელჩი; 2006 წელს საქართველოს საგარეო საქმეთა სამინისტროს რუსეთის დეპარტამენტის დირექტორი; 2007-2010წწ. საბერძნეთის და ხორვატიის რესპუბლიკებში საქართველოს საელჩო, საგანგებო და სრულუფლებიანი დესპანი; 2011-2012წწ. საქართველოს საგარეო საქმეთა სამინისტროს აზიის, აფრიკის, ავსტრალიისა და ოკეანეთის ქვეყნების დეპარტამენტის დირექტორი; 2012-2017წწ. საქართველოს საგანგებო და სრულუფლებიანი ელჩი ინდონეზიის რესპუბლიკაში, სინგაპურისა და ფილიპინების რესპუბლიკებში, ტიმორლესტეს დემოკრატიულ რესპუბლიკაში; 2018 წლიდან საგარეო საქმეთა სამინისტროს აფრიკის და ახლო აღმოსავლეთის ქვეყნების დეპარტამენტის დირექტორის მოადგილე. მინიჭებული აქვს საგანგებო და სრულუფლებიანი ელჩის დიპლომატიური რანგი.

წყარო: დამოუკიდებელი საქართველოს ელჩები, 1991-2021: ნაწილი 1/ ჭუმბურიძე, ზვიად. - თბ., 2021. გვ. 30