ნიკოლოზ აფხაზავა

დაბადების ადგილი: ქ. ზუგდიდი.
დაამთავრა თბილისის სახელმწიფო უნივერსიტეტის საერთაშორისო სამართლის და საერთაშორისო ურთიერთობების ფაკულტეტი 1993 წელს; იოკოჰამას სახელმწიფო უნივერსიტეტის (იაპონია) საერთაშორისო და ბიზნესის სამართლის ასპირანტურა, სპეციალობით საერთაშორისო სამართალი, მაგისტრის დიპლომით 2000 წელს; იოკოჰამას სახელმწიფო უნივერსიტეტის (იაპონია) სოციალურ მეცნიერებათა საერთაშორისო ასპირანტურა 2003 წელს. მიღებული აქვს სერტიფიკატები: ფერარას უნივერსიტეტის (იტალია) იურიდიული ფაკულტეტის, სპეციალობით ევროგაერთიანების სამართალი, საერთაშორისო კერძო სამართალი (1994); ბრიტანეთის საბჭო, ლონდონი, (დიდი ბრიტანეთი) სპეციალობით ბრიტანეთის ინდუსტრიის მენეჯმენტი (1996).

07/1993-10/1993წწ. იყო საქართველოს პარლამენტის სახელმწიფო საკონსტიტუციო კომისიის წამყვანი სპეციალისტი; 1994-1995წწ. წითელი ჯვრის საერთაშორისო კომიტეტის საინფორმაციო დეპარტამენტის უფროსის მოადგილე; 01/1996-12/1996წწ. საქართველოს ნავთობის საერთაშორისო კორპორაციის იურიდიული განყოფილების უფროსის მოადგილე; 01/1997-03/1997წწ. ჰაგლერ ბაილი კონსალტინგის იურიდიული განყოფილების უფროსის მოადგილე; 2007-2008წწ. – სასაკავას მშვიდობის ფონდის პროექტის მენეჯერი, (ტოკიო); 09/2008-10/2008წწ.  საქართველოს საგარეო საქმეთა სამინისტრო, საგანგებო დავალებათა ელჩი; 2008-2011წწ. საქართველოს საელჩო იაპონიაში, უფროსი მრჩეველი; მინიჭებული აქვს საგანგებო და სრულუფლებიანი ელჩის დიპლომატიური რანგი; 2012-2017წწ. საქართველოს საგანგებო და სრულუფლებიანი ელჩი კორეის რესპუბლიკაში; 2017 წლიდან საქართველოს საგანგებო და სრულუფლებიანი ელჩი მალაიზიაში, ბრუნეი დარუსალამში, ლაოსის სახალხო დემოკრატიულ რესპუბლიკაში, მიანმარის კავშირის რესპულიკაში და კამბოჯის სამეფოში. მიღებული აქვს კორეის რესპუბლიკის სახელმწიფო ჯილდო "გვანგვას მედალი" - ღირსეული დიპლომატიური სამსახურისთვის. საერთაშორისო სამართალის დოქტორი.

წყარო: დამოუკიდებელი საქართველოს ელჩები, 1991-2021: ნაწილი 1/ ჭუმბურიძე, ზვიად. - თბ., 2021. გვ.36